Nota de prensa
O GOBERNO BURELÉS INICIA O PROCEDEMENTO PARA A CONSTITUCIÓN DO CONSELLO ESCOLAR MUNICIPAL. GONZÁLEZ BARCIA E PEDRE REUNÍRONSE COS DIRECTORES DOS CENTROS DE ENSINO.
Burela, 20 de setembro de 2011. O goberno burelés do Partido Popular iniciará en breve os trámites e o procedemento para a constitución do consello escolar municipal. O alcalde, José María González Barcia, e a concelleira de Educación, Mónica Pedre, reuníronse este luns cos directores dos centros de ensino da localidade para, entre outras cuestións, abordar este tema. A intención do equipo de goberno burelés é que o consello escolar municipal se constitúa antes de fin de ano.
Pedre manifestou que “o consello escolar municipal funcionou axeitadamente durante o goberno anterior do PP, pero co goberno bipartito desapareceu tal actividade, chegando ao extremo de que se aprobou en pleno, a principios do ano 2009, un regulamento que nunca chegou a aplicarse porque sinxelamente o consello nunca chegou a constituírse”.
Ademais nesa reunión cos directores dos centros de ensino fixáronse as actividades que o Concello oferta para facilitar a realización da xornada continuada, e polo tanto a conciliación da vida laboral e familiar, e que se realizan nos centros de ensino en horario de tres e media a cinco e media da tarde. Este ano, inclúese unha nova actividade, denominada Aprender a aprender, destinada a alumnos de segundo e terceiro ciclos de primaria, e que ten como finalidade traballar en técnicas de estudio para mellorar o rendemento escolar. O Concello continuará ofertando a actividade de inglés, as que realiza a Aula de Educación Ambiental GAIA e a de piscina.
Escola de música
Continuando coas reunións que mantén o equipo de goberno, o pasado venres González Barcia e Mónica Pedre reuníronse co profesorado da Escola de Música. Recentemente, desde a alcaldía foille solicitado á dirección da Escola, con carácter formal, un informe sobre a súa situación. Neste momento, o equipo de goberno ten enriba da mesa dito informe e unha proposta de horario feita polo Claustro de Profesores da Escola. “O obxectivo do equipo de goberno é que a Escola de Música se converta nun referente cultural en Burela, para o que se vai procurar aumentar a oferta educativa da mesma”, segundo explicaron o alcalde e a edil de Educación.
Precisamente hoxe, Pedre e Barcia teñen previsto reunirse con membros da ASUEMBU, a asociación de pais e nais de alumnos da Escola, para explicarlles os obxectivos que se pretenden conseguir. Tamén se está a redactar un regulamento de réxime interno da propia Escola, que será debatido e enriquecido polo claustro de profesores e tamén polos pais do alumnado.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
