NOTA DE PRENSA
A DEPUTACIÓN DE LUGO TEN 4 COCHES PARA USO DOS 25 MEMBROS DA CORPORACIÓN
Antonio Veiga saíu ao paso das críticas vertidas o pasado martes pola parlamentaria do PP, Paula Prado, afirmando que “está a facer demagoxia cando di que existen 19 coches oficiais”
O vicepresidente afirmou que “vehículos para desprazamentos oficiais só hai 4, un Audi A6, un Citroen C5 e dous Rover 75, e están a disposición dos 25 membros da corporación”
Veiga lembrou que se reduciu o parque automobilístico “con respecto ao goberno anterior do PP nun 65% aforrando máis de 1,1 millóns de euros, ao deixar de pagar 1,4 millóns de euros e investir preto de 349.000 euros”
Ademais, agora o uso que se fai de cada vehículo é “público e está rexistrado polo que animamos aos medios e á sociedade a que o consulten e divulguen”
Lugo, 30 de setembro 2011. O vicepresidente da Deputación de Lugo, o nacionalista Antonio Veiga, na rolda de prensa posterior á Xunta de Goberno da Deputación de hoxe, quixo saír ao paso das críticas vertidas pola parlamentaria do PP, Paula Prado, efectuadas pasado martes na sesión do Parlamento Galego, e contestou publicamente que “a Deputación de Lugo unicamente dispón de 4 vehículos oficiais para uso dos 25 membros da corporación, polo que se está a facer demagoxia cando di que existen 19 coches oficiais”.
Neste camiño, Veiga pormenorizou que “vehículos para desprazamentos oficiais só hai 4, un Audi A6, un Citroen C5 e dous Rover 75, e están a disposición de toda a corporación”. Veiga lembrou que se reduciu o parque automobilístico “con respecto ao goberno anterior do PP nun 65% aforrando máis de 1,1 millóns de euros, ao deixar de pagar 1,4 millóns de euros e investir preto de 349.000 euros”.
Antonio Veiga afirmou que “desde a nosa entrada no goberno da Deputación puxemos fin ao excesivo gasto no parque automobilístico que tiña o PP comprometido, xa que nos atopamos cun contrato de aluguer de 1.460.000 euros para 56 vehículos. Diante desta situación, o goberno da Deputación comezou o proceso de devolución dos vehículos:
-en decembro de 2007 devolvéronse 13 vehículos aforrando 323.163 euros.
-En outubro de 2008, devolvéronse outros 5 coches, aforrando 62.700 euros.
-En setembro de 2009, devolveuse outro vehículo, aforrando 5.740 euros.
-E xa, en outubro de 2010, rescindiuse o contrato de aluguer de 2006, deixando de ter os 56 coches que deixaba o PP como unha pesada rémora económica.
Ademais desta redución, Veiga explicou que “houbo un tallante cambio na xestión do parque automobilístico, xa que agora ninguén ten un vehículo asignado, e o uso que se fai del é totalmente público e a diferenza de antes, toda persoa que necesita un vehículo ten que poñerse en contacto co Xefe de Servizo para solicitalo, e rexistrar o uso que fai del”.
A forma de entender o parque móbil non ten nada que ver coa do PP, xa que mentres a anterior corporación provincial usaba os coches do Parque Móbil ao seu antollo, sobre todo en período de vacacións –que era cando se rexistraban máis quilómetros-, a Deputación actual converteu este departamento nun servizo para os veciños da provincia.
Veiga, que afirmou que non gusta de falar deste tema, entre outras cuestións porque a pesares de vivir a unha hora de distancia do posto de traballo emprega o seu vehículo particular para desprazarse e na actual lexislatura só utilizou en tres ocasións os vehículos que a Deputación de Lugo ten a disposición, recordou que este uso do parque móbil non ten nada que ver coa propaganda do señor Núñez Feijóo quen, en menos dun ano, gastou máis de 6 millóns de euros na adquisición de 347 coches, varios deles de alta gama.
Dentro dos asuntos da Xunta de Goberno, Veiga anunciou a aprobación do convenio de colaboración valorado en 40.000 euros a subscribir entre a Deputación de Lugo e Gas Natural SDG, S.A., para o fomento do turismo e dos espazos recreativos no embalse de Os Peares, materializándose esta colaboración na rehabilitación e instalación dos 4 pantaláns cos seus correspondentes accesos para achegar aos viaxeiros até as embarcacións, que xa se levou a cabo nos meses de verán. Do mesmo xeito, Veiga anunciou o establecemento da tarifa do prezo público do libro titulado: “Intervención de Jorge Perianes”, Colección diálogos no Museo Provincial de Lugo nº 2, na cantidade de 5 euros, dos que corresponden á Deputación 4.80 euros.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
