Nota de prensa
A XUNTA PON EN MARCHA A SEDE ELECTRÓNICA, UN PUNTO DE ACCESO ÚNICO Á INFORMACIÓN E AOS TRÁMITES DE TODA A ADMINISTRACIÓN ATONÓMICA SEN CONDICIONANTES DE TEMPO E ESPAZO
De xeito progresivo iranse incorporando ao enderezo https://sede.xunta. os mesmos servizos que o cidadán ten á súa disposición a día de hoxe en calquera das ventás das consellerías.
Coa entrada en funcionamento desta canle xorde unha nova forma de realizar as xestións públicas coas máximas garantías de seguridade as 24 horas do día os 365 días do ano.
A sede dispón tamén dunha guía de procedementos e servizos para o cidadán conindicacións como os prazos de resolución .
O usuario poderá consultar a información sobre o estado dos seus trámites a través do Cartafol do Cidadán e disporá dunha epígrafe de queixas e suxestións.
A Xunta pon en marcha mañá a sede electrónica, un punto de acceso único a toda a Administración e ás súas entidades instrumentais a través da rede que, de xeito progresivo, ofrecerá aos cidadáns á mesma información e os mesmos servizos que teñen agora á súa disposición en calquera das ventás das consellerías. Así o informou hoxe a Secretaría Xeral de Modernización e Innovación Tecnolóxica no Consello da Xunta.
A sede electrónica é un paso máis dentro das actuacións previstas no Plan de Modernización da Administración autonómica e co que se dá cumprimento á Lei 11/2007, de acceso electrónico dos cidadáns aos servizos públicos. Coa entrada en funcionamento desta canle o Goberno autonómico cumpre tamén os prazos recollidos no decreto de Administración electrónica de Galicia 198/2010. Coa sede electrónica xorde unha nova forma de realizar as xestións públicas, sen condicionantes horarios nin de espazo, de xeito gratuíto, coa máxima seguridade e contribuíndo a un uso máis eficiente dos recursos públicos.
A día de hoxe a Xunta conta cuns 1.500 procedementos administrativos de diferentes consellerías e departamentos, dos que uns 120 se poden presentar de xeito telemático.
Paulatinamente estes procedementos incorporaranse á sede e calquera novo procedemento que xurda crearase xa para ser presentado de xeito electrónico. Deste xeito avánzase no compromiso do Goberno galego de reducir as cargas administrativas que implican a presentación de trámites en papel. O obxectivo marcado polo Plan de Modernización da Administración é acadar no 2013 o 100% da tramitación en liña dos procedementos administrativos e avanzar cara unha política ‘cero papel’.
Progresivamente iranse incorporando ao enderezo https://sede.xunta.es os servizos e a información necesaria para que o cidadán poida interactuar por medios electrónicos, durante todos os días do ano e as 24 horas do día, con todos os órganos da Administración xeral da Xunta de Galicia, para a presentación de solicitudes, escritos e comunicacións relativas aos diferentes procedementos administrativos abertos por parte deles. Deste xeito o cidadán poderá exercer, en condicións totalmente seguras, o seu dereito de acceso á información e aos servizos electrónicos que o Goberno galego pon á súa disposición na sede.
Desde que accede á sede o cidadán terá a seguridade de que toda a información que intercambia coa Administración está cifrada e o acceso mediante certificado electrónico ou DNI garante a identidade da persoa.
Contidos e servizos
En canto aos contidos e servizos, a sede disporá dun sistema de verificación dos certificados de sede que lle permitirá comprobar ao usuario que os documentos electrónicos xerados nesta canle son auténticos. Isto é posible grazas ao Código de verificación electrónica que informa automaticamente da autenticidade ou non do documento e, de ser o caso, proporciona os datos relativos a este último, entre eles a identificación do seu asinante ou o selo temporal que certifica a súa data de publicación.
A sede dispón tamén dunha guía de procedementos e servizos á disposición do cidadán con indicacións como os prazos de resolución, cales poden ser tramitados parcial ou completamente de xeito electrónico así como os formularios necesarios para cada un deles.
Os cidadáns poderán consultar a información sobre o estado dos seus trámites a través do Cartafol do Cidadán e disporán dunha epígrafe de queixas e suxestións onde interpoñer aquelas cuestións que consideren oportunas. Tamén terán acceso a través da sede ao Diario Oficial de Galicia á información do taboleiro de anuncios electrónicos da Xunta, aos expedientes sometidos á información pública e á ligazón á plataforma de contratos públicos de Galicia. Ademais, tamén albergará o Rexistro Electrónico da Xunta que será un punto de entrada máis para toda a documentación que o cidadán poida xestionar coa Xunta de Galicia.
Vantaxes para o cidadán
A sede evitará a desorientación do cidadán grazas a un réxime común de tramitación administrativa e a unha estruturación independente de cambios organizativos.
Simplifícase a relación entre o cidadán e a Administración, facilitándolle un único interlocutor para os efectos operativos. Ademais, a sede electrónica da Xunta garante o cumprimento do esquema nacional de seguridade e interoperabilidade, unha maior flexibilidade e adaptabilidade ante posibles cambios nos órganos da Xunta e unha maior seguridade, fiabilidade e dispoñibilidade do servizo.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
