Nota de prensa:
RAQUEL ARIAS DESTACA “O POTENCIAL E A CALIDADE QUE POSÚE O ENCAIXE GALEGO ACTUAL” PARA O DESENVOLVEMENTO NO MERCADO DA MODA
A delegada territorial, Raquel Arias, visitou hoxe o ‘II Encontro de Palilleiras’ de Xove, no que participan preto de 300 especialistas neste tipo de creacións
Xove, 1 de outubro de 2011.- A delegada territorial da Xunta en Lugo, Raquel Arias, destacou hoxe “o labor creativo constante das palilleiras, que, ao tempo que conservan este arte tan noso, non deixan de sorprendernos coa mellora constante coa que impregnan as súas creacións”.
A representante do Executivo galego fixo estas declaracións no decurso da visita que realizou ao II Encontro de Palilleiras de Xove, celebrado hoxe no entorno do Pavillón Municipal da localidade costeira.
Arias, que estivo acompañada polo alcalde da localidade, Demetrio Salgueiro, gabou “o potencial e a calidade que posúe o encaixe galego actual”, unhas características que fan que estes traballos creativos sexan moi estimados dentro do mercado da costura actual, facilitando o seu desenvolvemento no mesmo.
Neste sentido, a delegada territorial fixo énfase en que a Consellería de Economía e Industria, a través da Dirección Xeral de Comercio, é consciente dos cambios que se están producindo cada vez máis rapidamente no sector da moda e que están relacionados xa non só con novos deseños, senón con novos xeitos de consumo, provocados especialmente polo auxe das novas tecnoloxías que permiten a compra online en calquera momento e dende calquera lugar.
“Neste contexto, o encaixe, como elemento de artesanía, está a xogar un papel especialmente relevante como valor engadido dentro desta nova tendencia creativa”, indicou Arias, referíndose ás novas propostas que están a impulsar hoxe en día os deseñadores en Galicia e que, nalgúns casos, xa foron expostos en pasarelas de alta costura como a de Cibeles.
Ensinanza e mantemento da tradición
A delegada territorial significou que en encontros como o de Xove “pódese apreciar o labor da ensiñanza, algo que une a xeracións e pasa de avoas a nais e a fillas, que é o xeito como se pode manter a tradición”. Nesta mesma liña, Arias animou as palilleiras a continuar coa súa labor e “transformala nunha alternativa económica, saíndo ao mercado”.
No encontro de Xove reuníronse preto de 300 especialistas no encaixe, que desde primeira hora da mañá comezaron a entrelazar os fíos participando en cursillos e exposicións de traballos. Así mesmo, na xuntanza tamén se puideron ver traballos de bordado, que permaneceron expostos en distintos stands.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
