Nota de prensa
Fraga afirma que apertura do porto de Alcoa xeraría 400 empregos.
“Só o BNG garante a presenza da Mariña en Madrid”, afirma Estoa.
Veiga presenta a candidatura do BNG coma a equipa da casa.
O Bloque Nacionalista Galego presento na xornada de hoxe, nun acto que se desenvolveu no Dique Norte do Porto de Alcoa, os seus candidatos ao Congreso e ao Senado en representación da Comarca da Mariña nas listas electorais pola circuscripción de Lugo.
Segundo indicou Antonio Veiga, Portavoz Comarcal do BNG e Vicepresidente da Deputación de Lugo, “as listas do BNG son un espello do que é a sociedade da Mariña, os homes e mulleres que fan parte delas son unha representación dos territorios da Comarca, dos diferentes sectores sociais, persoas con capacidade contrastada no seu ámbito profesional e que acollen persoas vinculadas ao ámbito social e institucional”. Os mariñaos que forman parte das candidaturas do BNG son Federico Gutiérrez Estoa, Arquitecto técnico e Alcalde de Riotorto, Susana Riveira Fernández, de Vicedo, Sindicalista da C.I.G,Dores Fernández Abel, Profesora de Secundaria e Presidenta da Asociación Cultural Francisco Lanza de Ribadeo. A candidatura ao Senado contará coa presenza Bernardo Fraga Galdo, Arquitecto Técnico e Tte. de Alcalde de Viveiro, Ana Ermida Igrexas Avogada e Xerente do G.D.R. da Mariña e Xosé López Hermida, Profesor de Secundaria e Concelleiro en Xove. O Portavoz Comarcal do BNG rematou a súa presentación do que el deu en chamar o equipo da casa, afirmando que “o 20 de novembro non se trata de escoller entre Rajoy ou Rubalcaba, trátase de escoller entre o equipo da casa ou a procesión dos caladiños submisos ante as ordes dos partidos de ámbito estatal”.
O Tenente de Alcalde de Viveiro, Bernardo Fraga, indicou que “non é casual que o Bloque Nacionalista Galego escollese o dique norte do Porto de Alcoa para presentar a súa candidatura ás vindeiras eleccións xerais, posto que este local simboliza a perfección as potencialidades da nosa Comarca, o traballo que os nacionalistas levamos adiante en Madrid en prol desta Comarca, o que os nacionalistas queremos para esta comarca e sobre todo o que os nacionalistas imos a facer coa Mariña a partir do próximo 20 de Novembro” para continuar afirmando que “segue sen abrirse ao tránsito comercial a pesar do que a súa posta en funcionamento só significaría un investimento de 9 millóns de Euros, menos da metade das xubilacións dos directivos das caixas galegas” a pesar dos importantes beneficios que xeraría para o conxunto da actividade produtiva na Mariña nomeadamente na mellora da competitividade e productividade das diferentes esferas da actividade económica até o punto de que a súa posta en funcionamento significaría a creación de preto de 400 empregos directos tal como se recolle nos propios estudos que ten elaborado Portos de Galiza.
O Alcalde de Riotorto, Federico G. Estoa que tamén tomou a palabra para fechar o acto comezando por destacar que “só o BNG garante a presenza da Mariña en Madrid e que só A Mariña está presente en Madrid co BNG. E é necesaria a nosa voz alí precisamente nun momento que se pretende reducir as cotas da pescada para a nos a flota, cando se coloca ao complexo agrogandeiro nunha fase terminal até o punto de que os nosos labregos están a regalar literalmente os xatos pintos porque non teñen prezo de mercado, cando se procede a poda dos servizos públicos coa inminente supresión da area sanitaria da mariña ou de moitas unidades educativas, cando se nos negan servizos como o xulgado do social ou se sitúa o ISM en Lugo”. Nesta liña o Alcalde de Riotorto que reclamou a posta en marcha dun servizo de cercanías ferroviarias entre Vicedo e Ribadeo, fixo especial fincapé na “importancia dos comicios marcados por unha xestión da crise que empobrece as maiorías sociais e aumenta as desigualdades territoriais, no que só o BNG aparece en Galiza como dique de contención contra a vaga reaccionaria de PP e PSOE”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
