Nota de prensa
ARRANCA O CURSO DE ADESTRADOR DE FÚTBOL SALA EN BURELA
O IES Monte Castelo de Burela acolleu onte pola tarde a presentación e primeira clase para o alumnado do Curso de Adestrador de Fútbol Sala (Nivel 1), que se desenvolverá na vila mariñá, ata xuño de 2012, baixo a organización da Federación Galega de Fútbol. A apertura académica contou coa presenza do presidente da Escola de Adestradores de Galicia, Rafael Sáez; o vicepresidente primeiro da Deputación de Lugo, Antonio Veiga; o alcalde de Burela, José María González Barcia; o vicedirector do centro educativo burelao, Alfonso Iglesias; e o presidente do CD Burela FS-Pescados Rubén, José Ramón González Casas; así como o profesorado do ciclo. O presidente da FGF, José García Liñares, delegou a representación da entidade no membro do Comité Galego de Fútbol Sala e director xeral do Burela FS, José Luis Sáez.
Rafael Sáez destacou a riqueza do fútbol sala na costa luguesa e en Burela. “Con este curso a Federación responde con interese ao extraordinario tirón que ten o fútbol sala na Mariña achegando formación que en ocasións está excesivamente centralizada; Burela ademais facilitaralle ao alumnado unhas inmellorables condicións materiais, no IES Monte Castelo, e un corpo docente de calidade”.
“A formación de formadores sempre é esencial; nestes tempos de crise a reflexión conduce a potenciar aínda máis se cabe a base e o camiño correcto é precisamente a formación. O Burela FS así o está demostrando impulsando este tipo de iniciativas que redundarán no desenvolvemento dos pequenos deportistas” explicou o vicepresidente da Deputación facendo referencia á súa relación persoal con este deporte como adestrador de base hai anos. José María González Barcia manifestou a colaboración do Concello “sempre na medida das nosas posibilidades nun proxecto de mérito incontestable porque estes futuros instrutores terán a responsabilidade de coidar dos rapaces, de formar non só deportistas senón tamén persoas”.
O presidente do CD Burela FS agradeceu á Federación que fixera realidade unha formación que cualificou como “o xerme da profesionalización de formadores na Mariña para que este deporte siga medrando”. Alfonso Iglesias trasladou as felicitacións aos responsables do curso e reafirmou o compromiso do IES Monte Castelo “nunha iniciativa que repercutirá na calidade dos adestradores e dos deportistas”.
Por último, José Luis Sáez pechou o acto desexando a boa aceptación do curso para que “sexa a primeira pedra dunha boa traxectoria de formación na Mariña que se poida ir ampliando paulatinamente”. “O Comité Galego de Fútbol Sala é consciente do que custa manter este deporte, coñece o interese que existe na Mariña polo fútbol sala e por iso manteremos un contacto fluído con todos os clubs para tratar de coidar esta xoia” concluíu o membro da FGF.
Único en Galicia
O de Burela será o único curso da especialidade de instrutor de fútbol sala que se impartirá en Galicia en 2011-12. Baixo a coordinación do ex-adestrador do Superti-A Pontenova, José Ramón Rodríguez, Josiño, terá unha duración de 280 horas e contará entre o seu profesorado cos técnicos CD Burela FS, Javier Pardeiro e Quique García; o director da ED EON Burela FS, Alfonso Mera; o médico do club laranxa, Javier Couce; o psicólogo Marcelino Luna e a socióloga Juana Blanco.
No bloque común, que compartirán o curso de fútbol sala e o de fútbol, con sede en Ribadeo, o estudantado adquirirá nocións sobre anatomía, psicopedagoxía, socioloxía, organización e lexislación e mais educación física de base. Despois, as técnicas individuais e colectivas, táctica e sistema de xogo, regras de xogo, educación física específica, metodoloxía e dirección de equipos serán os temas que se abordarán no programa específico. Un período de 80 horas de formación práctica completará o ciclo.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
