Nota de prensa
O Presidente da Deputación participa nas festas das San Lucas de Mondoñedo, que cumpren o seu 855 aniversario
– Besteiro asistiu ó acto no que a cidade mariñana e a de Ferrol renovaron os seus lazos de irmanamento e á feira de gando cabalar, un dos principais atractivos da cita festiva, na que entregou dous premios ós gandeiros participantes
– O xefe do Goberno provincial deu os seus parabéns á organización por manter a calidade e variedade dun festexo con tanta historia, que supón un estímulo para a economía local, pois atrae a miles de persoas. Neste ano calcúlase que acudirán unhas 40.000
O Presidente da Deputación, José Ramón Gómez Besteiro, participou este martes nas San Lucas de Mondoñedo, a cita festiva máis antiga de Galicia, que cumpre este ano o seu 855 aniversario. Besteiro acudiu ó acto de irmanamento da cidade mariñana coa de Ferrol. Unidas por lazos culturais, literarios e relixiosos, as dúas capitais da diocese renovan cada ano, dende o 2005, a súa irmandade.
Como en anos anteriores, o acto de irmanamento coincidiu co día grande das San Lucas. De seguido, o Presidente provincial acudiu á feira de gando cabalar, celebrada no Campo dos Paxariños e un dos principais atractivos das festas mindonienses, na que se dan cita centos de persoas, non só de toda a provincia e do resto de Galicia, senón tamén de Asturias e León. Besteiro foi o encargado de facer entrega de dous dos premios: ó maior número de cabezas e ó dono do mellor cabalo de raza pura galega.
O Presidente provincial non quixo desaproveitar a ocasión para dar os seus parabéns á comisión organizadora das San Lucas por manter a calidade e variedade dunha cita con tanta historia e que supón un estímulo para a economía do municipio, pois atrae a miles de persoas durante os seus cinco días de duración. Sen ir máis lonxe, nesta 855 edición espérase a participación dunhas 40.000 persoas.
A orixe das Feiras e Festas das San Lucas remóntase ó ano 1156, cando o rei Alfonso VII concedeu unha festa de oito días á localidade. Na actualidade duran cinco días, pero no pasado chegaron a celebrarse durante 15.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
