Nota de prensa
A Deputación executou o 75% das obras do Plan de Pequenas Infraestruturas, que mantén 120 empregos na provincia
– Martínez salienta que con esta programación a institución aforra cartos ós 54 municipios beneficiados -os de menos de 5.000 habitantes-, ó asumir o 68% dos custes, -máis de 1 millón de euros-, ó tempo que dota ós veciños de novos e necesarios servizos
– A Xunta de Goberno aprobou as contas xustificativas de 25 obras do Plan de Comunidades Veciñais acometidas en 16 Concellos por valor de 280.625 euros
– A Deputación achega 75.000 000 euros ó Concello de Castro de Rei para adquirir o mobiliario e o equipamento do que carece o centro cultural de dita localidade chairega
O voceiro provincial socialista, Manuel Martínez, avanzou este venres que das 60 obras que contempla o Plan de Pequenas Infraestruturas para municipios de menos de 5.000 habitantes, a Deputación executou 44, é dicir, preto do 75%. Martínez destacou que “con estes traballos cumprimos varios obxectivos:
1.-“Aforramos cartos ós Concellos, ó asumir preto do 68% dos custes destas actuacións”. Están dotadas de 1,5 millóns de euros, dos cales a institución provincial achega 1.042.307 euros e os municipios 493.297 euros, polo tanto o 32%.
2.- “Mantemos postos de emprego nun sector tan afectado pola crise como é o da construción xa que un total de 120 persoas (capataces, peóns ou maquinistas) traballan na execución destes traballos”.
3.- “E dotamos de novos e necesarios servicios ós veciños”. Estes consistiron en iluminacións e sinalizacións de núcleos urbanos, melloras de accesos rurais, pavimentacións de vías, instalación de redes de saneamento de augas ou construción de beirarrúas, entre outros.
O tamén Deputado de Xestión Territorial explicou que 54 Concellos se benefician desta iniciativa. Son 13 máis que nas convocatorias anteriores, ó incluír ós municipios afectados polo canon hidroeléctrico logo de liquidar esta débeda histórica. Estes son: Abadín, Alfoz, Antas de Ulla, Baleira, Baralla, Barreiros, Becerreá, Begonte, Bóveda, Carballedo, Castroverde, Cervantes, Cervo, O Corgo, Folgoso do Courel, A Fonsagrada, Friol, Guntín, O Incio, Láncara, Lourenzá, Meira, Monterroso, Muras, Navia de Suarna, Negueira de Muñiz, As Nogais, Ourol, Outeiro de Rei, Palas de Rei, Pantón, O Páramo, A Pastoriza, Pedrafita do Cebreiro, Pobra do Brollón, Pol, A Pontenova, Portomarín, Quiroga, Rábade, Ribas de Sil, Ribeira de Piquín, Riotorto, Samos, O Saviñao, Sober, Taboada, Trabada, Triacastela, O Valadouro, O Vicedo, Xermade e Xove.
Acordos da Xunta de Goberno
A Xunta de Goberno aprobou as contas xustificativas de 25 obras do Plan de Comunidades Veciñais levadas a cabo en 16 Concellos da provincia por valor de 280.625 euros, dos cales a institución aportou o 65%. (180.850 euros). As actuacións realizadas foron as seguintes: apertura de camiños en San Esteban de la Mota e rehabilitación de fonte pública en San Román da Retorta (Guntín); mellora de camiño rural en Carballiño (Vilalba); acondicionamento da área recreativa de Vilamar, da entrada ó centro social de Villarmatín, e canalización de augas en San Miguel (Barreiros); equipamento do parque biosaludable de Chorente (Bóveda); acondicionamento exterior e interior da igrexa de Azúmara (Castro de Rei); arranxo e mellora da pista de tenis (Foz); peche perimentral do campo da festa en San Salvador de Outeiro, substitución e acondicionamento do depósito de auga e instalación de fosa séptica en Portanova-Fontamaior (Lugo); apertura e arranxo do camiño entre Corvaceiras e Irimia en Irimia Alta (Meira); mellora da pista de acceso As Fontes (As Nogais); reparación de accesos nas Xuncas e O Porcado, construción dun forno no cemiterio en Xerdiz e reparación nos accesos de O Vilar e Leborada (Ourol); afirmado do camiño de Suar a Celman, canalización e traída de auga en Parades (Paradela); muro e arranxo de bancos en Cedofeita (Ribadeo); acondicionamento da fonte e camiño de Espasande de Arriba e das fontes de Teixeiro (Riotorto); arranxo de camiño en Vilela (Taboada); mellora da fonte en Mansián (O Valadouro); rehabilitación da escola habanera en Tardad (Vilalba); e acondicionamento da zona deportiva en Landrove (Viveiro).
Centro cultural de Castro de Rei e Km0
A insitución tamén acordou achegar 75.000 euros ó Concello de Castro de Rei para adquirir o mobiliario e o equipamento do que carece o centro cultural da localidade chairega. Trátase dunha infraestrutura que acolle un auditorio, unha biblioteca, así como varias salas de usos múltiples que empregan centos de persoas que integran distintas asociacións de veciños e culturais. É o caso do banda de gaitas Valudos ou da Xuntanza, o colectivo de Mulleres Rurais máis grande da provincia con 300 persoas.
Por outra banda, na sesión tamén se aprobou adicar 64.800 euros dos fondos europeos de Lug02, dotado con 6,5 millóns de euros, para a contratación do servizo de transporte do programa medioambiental Km0.Deputación de Lugo para 2011 e 2012. Martínez subliñou que “trátase dunha actuación coa que, por un lado, garantimos a continuidade dunha exitosa iniciativa na que, dende a posta en marcha da súa 4º tempada a mediados do mes de setembro e ata hoxe, xa participaron 2.600 persoas que redescubriron a riqueza da provincia mediante 127 rutas guiadas pola totalidade dos Concellos lugueses. Ademais, estamos a manter postos de traballo”. A colaboración entre a Deputación e os provedores de Km0 (comerciantes, artesanos, autónomos, hostaleiros…) contribúe a que máis de 300 lugueses teñan emprego.
Corte ó tráfico na CP 1604
O Deputado de Xestión Territorial informou que, con motivo do inicio das obras de substitución do taboleiro da ponte sobre o río Tordea situada na CP-1604 por Pedrafita e Castrillón a Franqueá, concretamente á altura do punto quilométrico 2,557, no termino municipal do Corgo, a institución pechará ó tráfico este treito dende o vindeiro mércores, 16 de novembro, e ata o 9 de xaneiro, habilitando itinerarios alternativos correctamente sinalizados.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
