Nota de prensa
O BNG REUNIUSE HOXE EN BURELA CON MOZOS DESEMPREGADOS DA MARIÑA
Os nacionalistas fan do emprego con dereitos a receita para saír da crise
Burela, 11 de novembro de 2011. O BNG mantivo na tarde de hoxe unha xuntanza con mozos e mozas en situación de desemprego no Mesón O Poeta de Burela coa finalidade dar a coñecer as propostas que os nacionalistas formulan para a creación de emprego así como recoller deste colectivo que na Mariña se achega a preto do 40% da persoas comprendidas entre os 16 e os 30 anos. Na xuntanza, na que participaron preto de 20 mozos e mozas desempregadas estiveron presentes os candidatos nacionalistas da Comarca.
Segundo indicou Federico Gutiérrez Estoa “as taxas de desemprego xuvenil que rexistra a comarca da Mariña e o conxunto do País non son máis que a proba do algodón do fracaso das políticas do goberno do Estado e da Xunta de Galiza, ou aínda máis claro, do PPSOE, esa grande coalición que vén gobernando o Estado de maneira moi clara nos últimos dous anos. Porque o desemprego é a evidencia de que a reforma laboral non era máis que a escusa para destruír emprego gratis, porque o desemprego é o exemplo de que apostar pola actividade económica non é unha prioridade para quen nos goberna, porque o desemprego, en definitiva, é a constatación de que un cambio das políticas é necesario”.
Ana Ermida, militante de Galiza Nova e candidata ao Senado, lembrou “que tras cada desempregado atópase un auténtico drama persoal, como puidemos comprobar na xornada de hoxe falando cos mozos e mozas que nos acompañaron no acto. Uns mozos e mozas, na maioría dos casos, cunha alta cualificación académica e profesional, con só dous destinos posíbeis: a lista do INEM ou o camiño da emigración. Se até fai 4 ou 5 anos a comarca estaba recibindo emigrantes doutros territorios do Estado e do mundo, son hoxe os mozos e mozas da Mariña quen se ven obrigados a facer as maletas”.
Os nacionalistas comprometeron un plan de emprego para o conxunto da poboación e de xeito moi particular, para a mocidade. “A nosa prioridade é a creación de emprego e a iso temos que dirixir os nosos esforzos. Sen emprego non hai posibilidade de recuperación económica, pero non nos vale un emprego calquera, ten que ser un emprego con dereitos laborais e salariais. É fundamental garantir un aumento do poder adquisitivo por parte do conxunto dos traballadores, e de xeito moi particular, pola mocidade, posto que sen poder adquisitivo non hai consumo e sen consumo non hai reactivación económica. Poderán, en definitiva, contar non nós para todas aquelas políticas que representen emprego con dereitos e salarios dignos”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
