Nota de prensa
ENTROU EN FUNCIONAMENTO A ZONA AZUL DE APARCAMENTO NO CENTRO DE RIBADEO. DURANTE A VINDEIRA SEMANA A POLICÍA LOCAL ADVERTIRÁ AOS USUARIOS DA NECESIDADE DE PAGAR POR DEIXAR ESTACIONADO O COCHE NAS INMEDIACIÓNS DA PRAZA DE ABASTOS E NAS RÚAS DOUTOR MOREDA E JOSÉ VICENTE PÉREZ MARTÍNEZ.
Ribadeo, 11 de novembro de 2011. Entrou en funcionamento a zona azul de aparcamento no centro de Ribadeo. Durante unha semana a Policía Local deixáralles notificacións aos coches que non teñan o ticket correspondente, informándoos de que a partires do 21 de novembro poderán ser sancionados cunha multa de 24 euros.
O alcalde de Ribadeo, Fernando Suárez, explicou que “desde a tarde de onte xa está en funcionamento esta zona ORA de estacionamento limitado por duración de tempo no entorno da praza de abastos, na rúa Doutor Moreda e na rúa José Vicente Pérez Martínez. Aproximadamente son 100 prazas as que se poderán utilizar cunha novidade ao respecto do que veu acontecendo nos últimos tres anos, que o disco gratuito que dabamos desde o Concello foi substituido por unhas máquinas de tickets como nas cidades ou como noutras vilas”.
O rexedor lembrou que “ésta foi unha iniciativa que levou adiante o goberno municipal no mandato anterior e que contou no seu momento co apoio da Asociación de Comerciantes dado que se vía que o disco, aínda que tiña a virtude de ser gratuito, había xente que viña de fora que non o podía localizar en horario de tarde, non podían ir ao Concello por atoparse pechado ou mesmo non podían atopar á Policía Municipal nese preciso momento nas inmediacións”.
Suárez Barcia engadiu que “establecéronse unhas tarifas bastante baixas, hai que ter en conta que son 20 céntimos por media hora, 40 céntimos por unha hora, 60 céntimos pagaránse por 75 minutos, 80 céntimos por hora e media e 1 euro por dúas horas. O que se persigue é dinamizar o centro de Ribadeo para que calquera persoa que veña cun vehículo poida aparcar no centro durante un tempo limitado para facer as súas compras con comodidade e sen que sexa excesivamente gravoso”.
O alcalde advertiu que “nestes días para non facer un cambio drástico optamos porque a Policía Local ao longo de hoxe e mañá e tamén durante a semana que ven máis que sancionar vai poñer unha serie de notificacións nos parabrisas dos vehículos adevertíndoos de que deben facelo así ou senón poderán ser sancionados, segundo contempla a ordenanza reguladora, cunha multa de 24 euros, aínda que por pronto pago quedaríase reducido a tan só 12 euros”.
Fernando Suárez subliñou que “máis aló de cobrar ou de sancionar o que queremos é que se regule este espazo, que todo o mundo poida aproveitar para facer compras áxiles, para poder aparcar no centro de Ribadeo con comodidade e si alguén quere ter o seu vehículo estacionado xa todo o día ten dous aparcamentos na Avenida de Galicia, na Avenida Rosalía de Castro ou mesmo na rúa Julio Lazúrtegui”.
A zona azul será de aplicación de 9 a 14 horas e de 16 a 21 horas, agás domingos, festivos e mércores pola mañá.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
