Nota de prensa
ANTE AS INXURIAS DA XUNTA DE GALICIA, A DEPUTACIÓN INFORMA:
1.- A Deputación de Lugo é a única Administración responsable das Reservas da Biosfera de Terras do Miño e dos Ancares Lucenses dende que esta institución solicitou e acadou a súa declaración o 16 de decembro de 2002 e o 26 de outubro de 2006, respectivamente. Por este mesmo motivo, a Xunta de Galicia e o Principado de Asturias son ós únicos responsables da Reserva do Río Eo-Oscos-Terras de Burón.
2.- A lei 42/2007 do Patrimonio Natural e da Biodiversidade obriga que a institución responsable das Reservas -no caso das de Terras do Miño e Os Ancares Lucenses a Deputación de Lugo- cree os Órganos de Xestión das Reservas nuns prazos concretos. É por iso, que o Pleno provincial, contando coa representación de todos os grupos políticos (PSOE, PP e BNG) aprobou en xaneiro de 2011 os regulamentos dos Órganos Xestores. Estes estiveron expostos ó público durante un mes sen presentarse alegación algunha. Finalmente, publicáronse en abril no Boletín Oficial da Provincia, entrado en vigor.
3.- Neste regulamento, a Deputación, voluntariamente, ofrece participar nos Órganos de Xestión ás Administracións, entidades e asociacións interesadas, na búsqueda do máximo consenso e unidade en todo o vinculado ás Reservas da Biosfera. Razón pola que non só convidou ó Goberno Autonómico senón ós Concellos e ó Goberno Central, por exemplo. Todas as invitacións, sen excepcións, foron enviadas a través dos Rexistros Oficiais correspondentes.
4.- A Xunta de Galicia non debería xustificar a súa ausencia na reunión de constitución dos Órganos de Xestión das Reservas da Biosfera inxuriando á Deputación de Lugo e amosando un grave descoñecemento do Regulamento Estatal das Reservas da Biosfera.
5.- A Deputación mantén a súa oferta de participación á Xunta de Galicia, e pídelle que, logo de anos de estancamento, axilice a posta en marcha dos Órganos de Xestión da Reserva do Río Eo-Oscos-Terras de Burón, cuxas únicas administracións responsables é a Xunta e o Principado de Asturias.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
