Nota de prensa
RIBADEO ACOLLERÁ DO 3 AO 8 DE DECEMBRO A NOVENA EDICIÓN DO MERCADO DO NADAL, NO QUE SE DARÁN CITA MÁIS DE 30 ARTESÁNS. ANA MARTÍNEZ ANIMA Á XENTE A VISITAR A CARPA INSTALADA NO PARQUE DE SAN FRANCISCO E A DISFRUTAR DE RIBADEO.
Ribadeo, 30 de novembro de 2011. O vindeiro 3 de decembro arrinca en Ribadeo a novena edición do tradicinal Mercado do Nadal, organizado polo Concello de Ribadeo en colaboración coa Área de Turismo da Deputación de Lugo.
A concelleira de Desenvolvemento Local e Turismo, Ana Martínez, convidou “a todos os veciños e veciñas de Ribadeo así coma aos visitantes que se achegan á vila durante as vindeiras pontes, procedentes tanto da Mariña de Lugo coma do Occidente astur ou doutras zonas, a participar neste Mercado do Nadal, que terá lugar nunha carpa situada no parque de San Francisco no centro da vila”. A cita será do 3 ao 8 de decembro e o horario de visita será de 11 a 14 horas polas mañás e de 17 a 21 horas polas tardes.
A edil nacionalista sinalou que “a presente edición acollerá a máis de 30 artesáns, procedentes na meirande parte de Asturias e de Galicia, converténdose así nun escaparate para estes profesionais ao tempo que se converte tamén nun atractivo máis para que a xente se achegue a disfrutar de Ribadeo. Os stands dos artesáns comprenderán diversos oficios, ademáis de produtos alimenticios e manufacturados, pero cun elemento en común o arte de feito a mán, que é fundamental para poder participar como artesán neste mercado. Así haberá doces, embutidos, mel, coiro, xoiería, barro, papel, prata, tecidos, olería, cerería, ou madeira”.
Martínez explicou que “tamén contaremos para animar o Mercado do Nadal con actividades diversas dirixidas a todo o público dentro da mesma carpa”. O sábado, 3 de decembro, ás 11:30 da mañá haberá un obradoiro de cestaría tradicional, que se prolongará ao longo da tarde para que a xente poida rematar os seus traballos, e a partires das 19:30 horas haberá unha actuación de danza a cargo da Escola Municipal de Música e Danza de Ribadeo. O 4 de decembro ás 18:30 horas será tempo de escoitar un contacontos con Antón Castro, membro de Fuxan os Ventos, e o 5 de decembro ás cinco da tarde terá lugar un novo obradoiro de cestaría urbana, “para participar neste taller é necesario traer da casa refugallos flexibles como cartón, plásticos, tetrabriks, etc” e ás 20 horas haberá un concerto de alumnos da Escola Municipal de Música e Danza de Ribadeo. Para o 6 de decembro ás 17 horas hai previsto outro contacontos, será con Lola Erre que Erre, e para as 18:30 horas un obradoiro de barro. O 7 de decembro ás 17:30 Amigos da Gaita impartirá un obradoiro de baile tradicional e pandeireta e ás oito da tarde o colectivo fará unha exhibición de danza, pandeiretas e gaitas. E o 8 de decembro ás 17:30 terá lugar un obradoiro de impresión de camisetas para nenos. Durante o mercado poderáse visitar a exposición que recolle fotos antigas de Ribadeo e a súa xente, cedidas polos veciños e veciñas dentro do proxecto Ribadeo na Memoria.
A concelleira de Desenvolvemento Local e Turismo anima á xente “a achegarse a Ribadeo a disfrutar do noso concello toda a ponte, a maiores do seu propio atractivo éste acentúase con este Mercado do Nadal, que ven abrindo paso ás festas navideñas”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
