Nota de prensa:
FERNANDO SUÁREZ VALOROU DE XEITO MOI POSITIVO AS PROPESCCIÓNS ARQUEOLÓXICAS REALIZADAS POR PATRIMONIO NA RÍA DE RIBADEO. O REXEDOR PEDÍULLE Á XUNTA QUE AS INMERSIÓNS CONTINÚEN O VINDEIRO ANO.
Ribadeo, 29 de novembro de 2011. O alcalde, Fernando Suárez, valorou de xeito moi positivo as prospeccións arqueolóxicas realizadas por Patrimonio na ría de Ribadeo. Estes traballos permitiron extraer máis de 200 pezas e localizar tres pecios, entre os que destaca un vapor de palas de finais do século XIX. Suárez Barcia pedíulle á Xunta que as inmersións continúen o vindeiro ano.
O rexedor sinalaba esta tarde que “á vista dos resultados destas prospeccións arqueolóxicas que se fixeron na ría de Ribadeo, eu como alcalde no nome dos veciños e veciñas deste concello debo declararme moi satisfeito por estes resultados tan positivos”, e indicou que “se producen gracias á colaboración deste clube ribadense de submarinismo Illa Pancha, que alertou no seu momento e detectou numerosos vestixios de arqueoloxía marítima deitados na ría de Ribadeo e que deron lugar a que a propia Xunta de Galicia fose sensible e no convenio asinado co Ministerio de Cultura acordaron facer estas prospeccións”.
Fernando Suárez dixo que “desde o Concello sempre colaboramos, tanto ao nivel das embarcacións que puidemos prestar coma doutras cousas. E os resultados están aí, extraéronse máis de 200 pezas cando inicialmente só se ía facer unha cata arqueolóxica, pero en vista de que os vestixios podían ser fácilmente roubados ou removidos procedéuse a retiralos. Aínda que a día de hoxe hai que ter autorizacións autonómicas para poder bucear é fácil poder sacalos de aí”.
O alcalde de Ribadeo pedíulle ao director xeral de Patrimonio Cultural da Xunta que “esto non quede aquí, senón que para o ano que ven se prosiga con estes traballos para evitar o expolio dos restos arqueolóxicos. Eu prefiro que estean no Museo do Mar de Vigo, sen perxuizo que unha parte deles, como o director xeral indicou, poidan vir temporalmente para Ribadeo, prefiro que estean alí que non na vitrina do armario dalgún particular”.
Suárez Barcia considera que “agora hai que seguir coordinando os traballos da nosa época actual, que é o dragado do canal da ría no entorno do porto de Mirasol, pero hai que coordinalos de xeito moi coidadoso coa conservación destes vestixios que están noutros sitios onde a draga non está a actuar. De feito mantivemos reunións de colaboración entre Portos de Galicia, Patrimonio e o Concello para que estes vestixios que hai no fondo da ría sigan intactos, pero a ser posible para a campaña do vindeiro ano se volvan sacar, dado que é unha riqueza importante tal e como dan boa fé as fotos distribuidas pola Xunta de Galicia destes xacementos arqueolóxicos submarinos, destes tres pecios que están aquí no leito do canal e nos entornos da ría de Ribadeo na parte galega da mesma. Esto é unha moi boa noticia para Ribadeo, para a nosa historia, dado que este porto existe desde tempos remotos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
