Nota de prensa
Nunha charla moi instrutiva o profesor Xesús Veiga Buxán relatounos o proceso de bancarización das caixas galegas e a posíbel solución final do mesmo. Tras lembrarnos a orixe benéfico-social que sempre cumpriron as caixas de aforros (os montepíos), comentounos como desde finais dos anos 70 comezou un proceso de profesionalización que acabaría facendo das caixas case un banco. Agora ben: as caixas non teñen accionistas, non reparten dividendos entre os propietarios. Tampouco poden ser mercadas por un banco, pero si que podían mercar participacións nun banco. Iso espertaría os receos dos grandes bancos, que xa lles comezaban a botar o ollo. Tan só tiveron que agardar unha situación de crise como a que estamos a vivir para darlle a estocada final. A xestión irresponsábel duns directivos apostando desmedidamente polo sector inmobiliario, e a falta de peso político por parte da nosa comunidade, acabarían rematando (como nos anos 80 co agro e o sector naval ante a Unión Europea) na perda de control sobre o noso aforro. Lembremos que as caixas galegas acumulan o 45% do aforro galego. A que futuro comprador (ben sexa un consorcio de capital galego, un gran banco español ou calquera fondo de inversións americano) lle amarga ese doce tan suculento!
Coa perda de control sobre as nosas caixas corremos moitos perigos: primeiro, de xestión dos nosos aforros; segundo, de perda dun apoio económico moi importante para unha obra social (prestación de servizos sociais, actividade cultural, conservación do patrimonio, etc.). A vida cotián de moitos cidadáns e cidadás vaise ver afectada porque a partir de agora vai primar o criterio do beneficio empresarial con máis intensidade que nunca. E cando unha oficina non sexa rendíbel, pecharase. E reducirase persoal (e aumentarán as colas). E todo isto, coa complicidade do Banco de España, do goberno central e o principal partido da oposición (o PP) e a pasividade do goberno da Xunta.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
