O EQUIPO DE GOBERNO LOGROU REDUCIR EN 115.000 EUROS A DÉBEDA QUE O CONCELLO TIÑA CON ESPINA Y DELFÍN E COMPROMETÉUSE A ABONARLLE DURANTE OS VINDEIROS CATRO ANOS OS 200.000 EUROS RESTANTES, SEGUNDO ANUNCIABA HOXE GONZÁLEZ BARCIA.
Burela, 28 de novembro de 2011. O equipo de goberno de Burela logrou reducir en 115.000 euros a débeda que o Concello tiña coa concesionaria da auga, Espina y Delfín e comprometéuse a abonarlle durante os vindeiros catro anos 200.000 euros restantes, segundo anunciou este mediodía o alcalde, José María González Barcia.
O rexedor manifestou que “cando o PP chegou ao Concello de Burela a mediados de xuño deste ano atopámonos con que o Concello tiña unha débeda coa empresa concesionaria do servizo da auga, con Espina y Delfín, de 311.290 euros, unha cifra realmente importante, que ven derivada fundamentalmente pola mala xestión do bipartito burelés nos últimos catro anos”. O rexedor lembrou que “a nós se nos achacou que deixásemos sen pagar a Espina y Delfín aproximadamente uns 120.000 euros durante os últimos meses da nosa xestión no ano 2007, pero ha que lembrar tamén que a inmensa maioría desas facturas quedaron aprobadas polo equipo de goberno do PP”. González Barcia indicou que “durante estes últimos catro anos o bipartito non pagou as facturas que nós deixamos xa recoñecidas, senón que ademáis aumentou e xenerou máis débeda con Espina y Delfín ata chegar a eses 311.290 euros, que estaban sen pagar e prácticamente sen aprobar ningunha das facturas que a eles lles correspondían”.
O alcalde burelés sinalou que “esta situación plantexaba un problema serio tanto para o Concello como para a propia empresa e nós iniciamos un proceso de negociación con Espina y Delfín, que a semana pasada quedou completamente saldado. Deste xeito nós aforraremos 115.000 euros, é dicir imos deixar de pagarlle á empresa esa cantidade e o resto teremos que asumilo, pero hai unha diferencia sustantiva e sustancial e é que os cidadáns de Burela se aforrarán 115.000 euros”. O equipo de goberno comprometéuse a devolverlle a Espina y Delfín nos próximos catro anos a cantidade restante, uns 200.00 euros. González Barcia subliñou que “esa cifra se lle irá pagando ano a ano, co cal o Concello de Burela ten xa un asunto menos pendente daqueles que se xeneraron co bipartito”.
O Concello pagarálle a Espina Delfín 196.290 euros máis 10.000 euros da reparación do emisario, dos outros 20.000 euros que costou esa operación fáise cargo Augas de Galicia.
O rexedor considera que “estes datos hai que dalos a coñecer para que a xente non estea enganada, aquí da a impresión de que chegamos ao Concello de Burela e que aquí, segundo algúns, o único que había eran cartos. Non, aquí o único que había eran débedas e caixóns cheos de facturas e vacíos de cartos. O que había era moitas débedes, eso sí”. José María González Barcia dixo que “polo menos ésta, a de Espina y Delfín, xa está saldada e creo que cun beneficio importante para os veciños de Burela que van aforrar aproximadamente a terceira parte do que lle teríamos que pagar a dita empresa. E todo eso gracias á nefasta xestión realizada polo bipartito, que o único que fixo foi xenerar máis débeda con Espina y Delfín. Chegou un momento no que esta empresa estaba realmente preocupada porque ou pagábamos ou pagábamos”.
O alcalde pensa que “con esta solución saimos todos gañando, a empresa porque vai cobrar aínda que sexa en catros anos, e os cidadáns de Burela porque van pagar unha terceira parte menos do que habería que pagarlle a Espina y Delfín, neste caso gracias á boa xestión levada á cabo desde o equipo de goberno do PP”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
