Nota de prensa
O CONCELLO APROBA AS BASES PARA AS AXUDAS DESTINADAS ÁS ANPAS E CENTROS EDUCATIVOS
Esta convocatoria dispón dunha dotación orzamentaria nos presupostos municipais de 7.500 euros
Cervo, 8 de novembro de 2011.- O Concello de Cervo ven de aprobar as bases da convocatoria de axudas e bases reguladoras para as subvencións a entidades educativas e sen ánimo de lucro para o presente ano 2011.
Segundo sinalaron o alcalde de Cervo, Alfonso Villares, e a concelleira de Educación, Yolanda Pedreira, esta convocatoria dispón dunha dotación orzamentaria nos presupostos municipais de 7.500 euros. O obxecto da mesma é regular o procedemento da concesión de subvencións en réxime de concorrencia competitiva para fomentar as actividades educativas, culturais ou recreativas entre a comunidade escolar que realicen as asociacións de Nais e Pais do municipio e os tres centros de ensino afincados no termino municipal (os de Ensinanza Primaria de Cervo e San Ciprián, e IES Marqués de Sargadelos).
Ademais de subvencionar as actividades anteriormente citadas, esta liña de axudas tamén contempla a posibilidade de subvencionar aqueles gastos de funcionamento, conservación, de carácter menor das entidades ás cales van dirixidas, sempre e cando non teñan o carácter de investimento. No caso dos centros der ensino, as actividades subvencionables so poderán ser aquelas que non dispoñan doutro tipo de financiamento público, nin privado.
O prazo de presentación de solicitudes é de 20 días dende a publicación destas bases no BOP (previsiblemente na vindeira semana). De tódolos xeitos, a concelleira de Educación, Yolanda Pedreira, puntualizou que no momento de saír publicadas ditas bases, o Concello porase en contacto coas ANPAS e centros de ensino para informarlles do inicio do prazo de presentación de solicitudes.
Aposta firme e decidida
Alfonso Villares, dixo que estas axudas veñen a cumprimentar outra xeira de investimentos en materia de adecuación e mellora que o Concello está a desenvolver conxuntamente coas comunidades escolares dos respectivos centros e salientou a implicación do Goberno local nos últimos anos no fomento da mellora da calidade do ensino nos centros escolares do termino municipal.
O rexedor lembrou ademais que Cervo é un dos concellos pioneiros en materia de axudas de carácter educativo. “Dende o Concello estamos adicando unha cifra de cartos importante anualmente neste eido. Cumpre lembrar que ademais destas axudas directas ós centros e ás ANPAS, tamén outorgamos axudas para a compra de libros e material escolar para os alumnos de Educación Infantil e tamén para o transporte dos alumnos nas distintas etapas da súa educación. Tamén hai que engadir os gastos que anualmente asumimos en traballos de mantemento das instalacións; así como os soldos dos conserxes para dar servizo aos centros de ensino obrigatorio e que anualmente supoñen un gasto importante para os veciños e veciñas de Cervo” indicou Villares.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
