Nota de prensa
O CONCELLO OUTORGA MÁIS DE 3.600 EUROS EN AXUDAS Á COMPRA DE LIBROS E MATERIAL ESCOLAR DO CURSO 2011-2012 PARA OS ALUMNOS DO SEGUNDO CICLO DE EDUCACIÓN INFANTIL
Na presente convocatoria beneficiaranse un total de 37 escolares que cursan estudos nos centros educativos do concello
Cervo, 16 de novembro de 2011.- O alcalde de Cervo, Alfonso Villares, e a concelleira de Educación, Yolanda Pedreira, fixeron esta tarde entrega dos cheques de axuda para a compra de libros e material escolar do actual curso 2011-2012 a 43 alumnos de segundo ciclo de Educación Infantil do municipio.
Nesta ocasión recibíronse no Concello un total de 39 solicitudes (que corresponden a 43 alumnos). Despois de rematado o prazo para que os solicitantes aportaran a documentación necesaria, a comisión avaliadora concedeu axudas a 33 solicitudes (correspondentes a 37 escolares) por axustarse ás bases da convocatoria; mentres que 3 foron rexeitadas por superar o máximo permitido de renda per cápita e outras 3 por non estar empadroada no termino municipal a unidade familiar solicitante.A contía total destas subvencións ascende a 3.643,55 euros e a cantidade máxima que percibirán os beneficiarios é de 130 euros.
O alcalde lembrou no acto de entrega que este é o terceiro ano no que o Goberno local abre esta liña de axudas para os escolares de segundo ciclo de Educación Infantil que cursan estudos nos centros escolares do municipio. Ademais, salientou a importancia deste tipo de subvencións para o grupo de Goberno local “porque consideramos prioritario axudar economicamente ás familias nestes tempos de dificultades”. Villares e Pedreira aseguraron tamén diante dos asistentes que o Goberno local está comprometido coa Educación “porque é un piar fundamental para o futuro dos nosos veciños” e garantiron que nos vindeiros cursos o Concello de Cervo “vai seguir con esta mesma liña de axudas educativas sen baixar en ningún momento a contía delas”
Coincidindo co inicio do curso escolar, a concellería de Educación do Concello de Cervo convoca anualmente a liña de axudas municipais para a adquisición de libros e material escolar destinada aos alumnos do segundo ciclo de Educación Infantil do concello.
Nesta convocatoria podían optar ás axudas aquelas unidades familiares empadroadas no municipio que tiveran fillos de tres a cinco anos (segundo ciclo de Educación Infantil) cursando estudios nalgún dos centros educativos do término municipal e que a súa renda familiar non superara o 150% do Indicador Público de Renda de Efectos Múltiples (IPREM) per cápita.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
