Nota de prensa:
O CONCELLO DE RIBADEO TEN Á SÚA DISPOSICIÓN DESDE HAI DÍAS A CASA DAS ALGAS.
Ribadeo, 30 de novembro de 2011. O Concello de Ribadeo ten á súa disposición desde hai días a Casa das Algas, segundo veñen de aclarar desde o equipo de goberno.
“Costas xa enviou un escrito no que di que xa temos á nosa disposición a Casa das Algas. Polo tanto, enténdense entregadas as obras”, sinalan.
O equipo de goberno quere pechar así a polémica suscitada estes días coas dúas roldas de prensa que se deron na Casa das Algas o pasado sábado, e engaden que “outra cousa é que teñamos que pedir autorización de Costas se queremos modificar o interior ou realizar diversos cambios nesas instalacións, pero nada máis”.
“O Concello está inmerso nun proceso de definición dos usos finais que terá a Casa das Algas, pero ata o momento non hai nada decidido”, subliñan desde o equipo de goberno.