Nota de prensa
EN RESPOSTA AO BNG, O GOBERNO ADMITE NON PODER GARANTIR O VOTO DOS MARIÑEIROS EMBARCADOS
Lobeira responde ao director xeral de Relacións Parlamentarias, Roberto Castro que “hai máis garantías para que voten os mortos que os electores embarcados ” e acusou ao Goberno galego de non facer ningunha xestión para que os mariñeiros poidan votar a través de urnas nos buques
Santiago de Compostela, 17 de novembro, 2011. O portavoz de Pesca do BNG, Bieito Lobeira denunciou hoxe, en comisión, a imposibilidade dos mariñeiros embarcados a exerceren con garantía o seu dereito ao voto, a través dunha pregunta oral na Comisión de pesca, celebrada hoxe no Parlamento galego.
O nacionalista afirmou que teñen máis garantías de “votar os mortos” que os mariñeiros e acusou ao Goberno galego de “non facer nada” nin presentar ningunha proposta para resolver o problema.
Na súa intervención, Lobeira lembrou que nas Cortes do Estado foi creada unha subcomisión a instancias do BNG pero fomos “inxenuos”,dixo, porque esperamos e confiamos que se ía resolver esta cuestión e demos o noso apoio a contrastar, a través de diversos informes técnicos, a garantía do exercicio do voto secreto e libre. Sen embargo, engadiu, atopámonos no ano 2010 co “veto” do Partido popular e PSOE a poñer en marcha as medidas necesarias que conducirían á resolución deste problema.
Lobeira reiterou que a imposibilidade dos mariñeiros a poder votar é un proceder que responde á falta de vontade política do Partido popular que reduce a cuestión a un “problema técnico”.
O deputado considerou que se o problema é de tipo tecnolóxico pode ser resolto a través de “mesas a bordo” cun capitán velando polo proceso porque se os capitáns poden oficiar cerimonias de matrimonio e certificar defuncións, tamén poderá,-dixo-, “certificar a fiabilidade dos votos dos mariñeiros embarcados”.
Pola súa parte, o director xeral de Relacións institucionais e parlamentarias afirmou que a Xunta de Galiza carece de competencias para reclamar o voto dos embarcados.
O parlamentario do BNG concluíu afirmando que é difícil de entender que os astronautas americanos poidan votar e aos mariñeiros galegos se lles impida exercer este dereito.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
