Nota de prensa:
O Leis Pontevedra derrota por 2-4 ao Ribadeo FSF
O Panificadora do Eo-Ribadeo FSF de categoría Autonómica Feminina encaixou a súa sexta derrota (2-4) da tempada ante o Leis Pontevedra que acudiu á cita en Ribadeo con reforzos do seu equipo de Segunda División.
O conxunto ribadense dirixido por Martínez complicou a vitoria ás pupilas de Jacobo que desde o asubío inicial optaron polo xogo de cinco. No primeiro período a boa defensa das ribadenses e as saídas á contra estiveron a piques de sorprender ao Leis que estivo máis acertado e retirouse ao descanso con 0-1, gol de Gema no minuto 8.
Na segunda metade o Panificadora mantivo a mesma tónica, pero un fallo na transición ofensiva da ribadenses propiciou que Paloma establecese o 0-2, minuto 22. Catro minutos máis tarde, Eva acurtou distancias ao transformar desde campo propio un roubo de balón co Leis xogando de cinco. As locais buscaron o empate con afán pero o Pontevedra sentenciou o partido por mediación de Tamara e Andrea. A falta de 1 minuto para o final, Ana estableceu o 2-4 final dun partido no que as mariñás mereceron mellor sorte.
O Panificadora desprazarase a Poio (Pontevedra) o vindeiro sábado para enfrontarse a outro dos filiais da segunda división.
Provincial masculina. En provincial masculina, o Ribadeo FS perdeu en Baralla por un axustado 2 a 1.
Provincia feminina. Impresionante goleada a domicilio das promesas do Xoula ao Sporting Rabadense (0-11). As ribadenses dirixidas por Docobo plasmaron unha excelente actuación no municipal de Rábade. Todas as xogadoras, agás a porteira Tania García, conseguiron marcar. Os tantos repartíronse da seguinte forma: Elvira (3), Tania Penabad (2), Sabela (2), Yoli, Montse, Lucía e Iria.
Ficha técnica
Panificadora do Eo-Ribadeo FS: Antía, Ana, Eva, Marta e María, cinco inicial; tamén xogaron, Fátima, Elena, Arancha e Toñi.
Leis Pontevedra FS: Andrea, Gema, Pomba, Paula e Silvia, cinco inicial; tamén xogaron, Carmen Zas, Tamara e Elena.
Árbitros: José Luis Naray Álvarez e Javier Mogo Torrado da delegación lucense. Mostraron cartóns amarelos a Gema, Pomba e Silvia polo Leis.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
