Nota de prensa:
O TALENTOSO ATLÉTICO DE MADRID, NO PUNTO DE MIRA DA NOVENA XORNADA
A escuadra de Javier Pardeiro, sen ausencias, terá no punto de mira o talentoso Atlético de Madrid Navalcarnero para a novena xornada da Primeira División. O pavillón municipal La Estación acollerá o encontro o sábado a partir das 18.00 horas.
Copas, Supercopas e frecuentes participacións coa selección española, definen o histórico rival das laranxas, un conxunto que comezou con moi bo pé en 2011-12. Despois de oito compromisos ligueiros ocupa a cuarta praza (18 puntos), empatado co Móstoles, pechando o podio; tan só o Rubi FS (2-3), na terceira xornada, e o Cajasur Córdoba (5-1), a semana pasada, puideron desartellar a súa autoridade.
No Burela FS Pescados Rubén (10 puntos) son conscientes da traxectoria e calidade do Navalcarnero. “É un dos mellores cadros da categoría, xunto co Cajasur” opinou a ala-peche Haydée, unha das caras novas no vestiario mariñán esta tempada, que destacou as individualidades como a máxima fortaleza das madrileñas: “Teñen un xogo bastante anárquico no que priman as individualidades. O un para un de Leti ou Anita Luján é moi forte; se algunha delas ten un bo día pode resultar excesivamente desequilibrante”.
“Nós debemos ser fieis ao noso estilo, debemos explotar o colectivo para incidir na súa irregularidade porque aínda que teñen calidade para gañar sen problemas en ocasións desconectan e non son capaces do volver ao partido” explicou a viguesa, que recoñeceu a súa completa aclimatación ao grupo e ao club tres meses despois de regresar a terras galegas, grazas ao “apoio de compañeiras e corpo técnico, que facilitaron a miña adaptación á intensa dinámica de adestramentos”. Haydée tamén falou da barreira dos últimos 10 metros que ata o momento limita a finalización laranxa e que está freando a escalada do equipo: “Eu non creo na sorte; sei que este equipo é capaz de xerar gol porque así o demostrou en tempadas anteriores con Ro e Lucía, ao que se suma agora a pegada de Peque; o sentimento é que estamos traballando ben e que algún equipo pagará o noso gol”. “Co Femesala ofrecemos un bo xogo, fixemos os mellores minutos da tempada; nesta liña poderemos agrandar a ferida do 5-1 que recolleron en Córdoba as madrileñas”, concluíu a burelista.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
