Nota de prensa
DUELO DIRECTO EN MARTORELL
A décimo segunda xornada de Segunda depara para o Burela FS Pescados Rubén duelo directo lonxe da casa ante o Sala 5 Martorell, enfrontamento ao que ambas as escuadras chegan nunha boa liña de resultados. O municipal martorellense acollerá o encontro entre a quinta praza catalá (18 puntos) e a cuarta mariñá (20) ás 18.00 horas.
O peche Anderson de Almeida, Purao, tira de veteranía e experiencia para garantir a presenza laranxa entre os mellores unha tempada máis: “Agora que conseguimos plasmar o noso traballo na táboa, temos que mantelo. O equipo ten a confianza suficiente para prolongar a suma de tres en tres”. Na súa cuarta tempada, o brasileiro asume sen presión a responsabilidade de ser unha das principais referencias dun cadro con moita xuventude: “A miña premisa é axudar e compartir todos os meus coñecementos e experiencia cos meus compañeiros, ao tempo que tamén aprendo deles. Persoalmente aínda podo dar un pouco máis e estou traballando para iso” explicou o xogador.
O Burela FS medirase ao segundo máximo goleador da categoría (49), por detrás do Oxipharma, que conta cun vestiario moi compensado con xuventude e experiencia, coa referencia ofensiva de Diego Blanco e o equilibrio de Jordi Gay. “Será un partido moi intenso; é un equipo que aperta moito na casa, cunha cancha histórica que fai moita presión coa afección” dixo o brasileiro, que asegurou que o encontro “se decidirá por pequenos detalles; debemos estar concentrados para evitar erros” dixo Purao.
Quique García poderá contar co vestiario ao completo para mañá, a excepción de Christian, na última fase de adaptación para reincorporarse á dinámica competitiva tras a intervención de xeonllo.
O podio tamén será testemuño doutro dos duelos directos da xornada, na visita do Andorra, segundo (21 puntos), á cancha do líder granadino (25). Para o terceiro clasificado, Fuconsa Jaén (21), o desafío parece quedar máis á man, co desprazamento á pista do actual pechacancelas, Melilla FS.
Derbi galego. Vista Alegre acollerá o vindeiro martes, 6 de decembro, a terceira eliminatoria da Copa do Rei entre o Burela FS Pescados Rubén e o Autos Lobelle de Santiago FS, da Primeira División (18.30 horas). Ata o luns 5, todas as persoas interesadas poderán retirar a súa entrada (3 euros socios/as e 10 euros non socios/as) na sede do club (Horario de atención: 10.00-14.00 e 16.00-19.00 horas); a venda no pavillón abrirase unha hora antes do encontro.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
