Nota de prensa
A Deputación aborda no III Encontro de Cooperación cos Concellos a contratación temporal nas entidades locais
– Díaz Valiño presentou a nova edición da xornada que instaurou a institución provincial en 2009, converténdose na 1º Deputación en Galicia que organiza un foro permanente destas características, que terá lugar o 13 de novembro no Salón de Actos do Pazo de San Marcos
– O 70% dos contratos laborais nas entidades locais lucenses son temporais. O seu emprego inadecuado supón ó ano 100 demandas xudiciais e un gasto de 500.000 euros ós Concellos
-A xornada, na que prestixiosos expertos abordarán solucións, está dirixida a traballadores das administracións locais, representantes sindicais, avogados laboristas, graduados sociais e estudantes da materia de Dereito Laboral II na Escola Universitaria de Relacións Laborais
– A solicitude, aberta ata o 7 de decembro, pódese facerse on line, entrando en www.deputacionlugo.org, por correo electrónico en cooperacion@deputacionlugo.org, ou remitindo un fax ó número 982-240-409. O aforo é limitado
O Deputado de Cooperación e Asistencia ós Concellos, Juan José Díaz Valiño, avanzou hoxe que o organismo provincial celebrará o 13 de decembro, o III Encontro de Cooperación cos Concellos. É a xornada anual que a institución luguesa instaurou en 2009, converténdose na primeira Deputación en Galicia en organizar un foro de carácter permanente, aberto a todos os actores das administracións locais da provincia e baseado na búsqueda de solucións para a consecución de entidades locais máis eficaces, optimizando recursos e aforrando custes.
Díaz Valiño salientou o éxito que acada esta pioneira convocatoria en Lugo coa participación dunhas 170 persoas que, ano tras ano, enchen o Salón de Actos do Pazo de San Marcos, o seu lugar de celebración, debido ós “novidosos e necesarios” temas que se abordan para o bo funcionamento das administracións locais. Deste xeito, na primeira edición, o tema central foi o servizo integral de asesoramento xurídico, económico-financieiro e técnico que a Deputación presta, de xeito totalmente gratuíto, ós municipios, evitándolles gastos ó non ter que recorrer a empresas externas. Na segunda convocatoria, tratouse a lei de protección de datos e a implantación da administración electrónica, cuestións de actualidade e extraordinaria importancia xa que o seu manexo incorrecto implica sancións millonarias. O Deputado adiantou que, este ano, o debate xirará ó respecto da contratación temporal nas entidades locais logo de que os servizos de Cooperación e Recursos Humanos da institución detectasen que o emprego abusivo deste sistema está a conlevar serios problemas:
1.- Un problema persoal debido a situación de falta de estabilidade que sofren o 70% dos traballadores das administracións locais da provincia ó ter este tipo de contrato.
2.- Un problema xurídico ou legal pola inadecuación dos contratos para determinados servizos nas administracións locais lucenses. Na provincia contabilízanse ó ano ó redor de 100 demandas a este respecto no Xulgado Penal.
3.- Un problema económico como consecuencia de ditas contratacións irregulares que obrigan ós Concellos a pagar ó redor de 500.000 euros ó ano.
Solucións de prestixiosos expertos
Esta situación, explicou Valiño, “non é un capricho. Non é que dende os Concellos se queiran facer contratos irregulares senón que se debe á falta de información e de persoal especializado na materia nas entidades locais. A Dirección Provincial de Inspección de Traballo asegura que o Departamento de Recursos Humanos é un exemplo a seguir. Temos unha área potente. Por iso, queremos prestar toda a nosa experiencia para mellorar esta situación nos municipios. Ademais, expertos na materia van ofrecer formación e exemplos prácticos”. É o caso do Maxistrado do Xulgado do Social Nº1 de Lugo, Fernando Fernández Olmedo; o Xefe da Inspección Provincial de Traballo e Seguridade Social de Lugo, Nicolás González Raposo; o avogado Jesús Amarelo Fernández; o Xefe do Servizo de Recursos Humanos da Deputación, Manuel García Mel; ou o Letrado do Servizo de Cooperación e Asistencia ós Concellos, Valentín Lago González.
Un foro aberto
A xornada está dirixida a todos os responsables e traballadores das administracións locais (Alcaldes, Concelleiros, persoal dos departamentos de Recursos Humanos dos municipios e empregados públicos en xeral), ademais de, e como novidade este ano debido ó asunto a tratar, a representantes sindicais, avogados laboristas, graduados sociais que presten asesoramento ós Concellos a este respecto, así como a estudantes da materia de Dereito do Traballo II na Escola Universitaria de Relacións Laborais.
Aberto o prazo de inscrición
Todos os interesados poden facer a súa inscrición ata o vindeiro mércores, 7 de decembro. Para elo, deberán entrar na páxina web da institución provincial, www.deputacionlugo.org, onde, na portada, atoparán un enlace directo ó III Encontro de Cooperación cos Concellos. Dende este espazo, poderán facer a súa solicitude on line, ou ben descargar o formular de inscrición que terán que enviar por correo electrónico a cooperacion@deputacionlugo.org, ou por fax ó 982-240-409. O aforo é limitado debido a capacidade do Salón de Actos da Deputación. Para calquera dúbida, habilítanse os seguintes número de teléfono: 982-26-01-05/982-26-01-06/982-26-01-13.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
