Nota de prensa
A Deputación publica o 1º libro sobre o Camiño do Mar para impulsar o seu recoñecemento como ruta xacobea oficial
– Gómez Besteiro presentou no Concello de Viveiro o volume, baseado na intensa e rigorosa investigación do historiador focense Juan Ramón Fernández Pacios sobre o itinerario, que discorre por todos os municipios costeiros entre Ribadeo e Ferrol
– A Deputación editou medio milleiro de exemplares do libro, o primeiro que recolle todo o inventario documental que certifica que o Camiño do Mar foi unha auténtica e importante ruta de peregrinación a Compostela
– O Presidente subliñou que a súa oficialización, un compromiso do Goberno provincial para este mandato, supoñería “unha extraordinaria oportunidade para fomentar o turismo e xerar riqueza”
O Presidente da Deputación, José Ramón Gómez Besteiro, presentou este mércores no Concello de Viveiro o libro Camiño do Mar, unha publicación baseada na investigación do historiador focense Xoán Ramón Fernández Pacios que o organismo provincial editou no marco das súas xestións para impulsar o recoñecemento oficial desta ruta xacobea por parte da Xunta. De feito, o propio Gómez Besteiro expresou na súa investidura que este é un dos compromisos do Goberno provincial para o mandato. Mostra diso é que o Executivo levou ó primeiro pleno celebrado tralas eleccións de maio unha proposta para instar á Consellería de Cultura a declarar o Camiño do Mar, que discorre pola Mariña, e o de Inverno, que atravesa a Ribeira Sacra, como rutas xacobeas oficiais, pois “supoñería unha extraordinaria oportunidade para fomentar o turismo, e polo tanto unha fonte importante para xerar riqueza”, subliñou o Presidente. A iniciativa plenaria saíu adiante co apoio unánime dos tres grupos provinciais. Xunto a Besteiro, no acto de presentación do libro sobre o Camiño do Mar estiveron o Alcalde de Viveiro, Melchor Roel, o historiador Xoán Ramón Fernández Pacios, e Manuel Rodríguez, ademais da Vicepresidenta Segunda, Lara Méndez, e o Deputado de Economía do Coñecemento, Emprendedores e Innovación, José Ramón Val.
A Deputación editou medio milleiro de exemplares do volume, froito de “varios anos de intenso e rigoroso traballo” de Fernández Pacios sobre un itinerario “tan pouco estudado como tan maioritariamente coñecido”, asegurou Besteiro. Este é de feito o primeiro libro que recolle todo o inventario documental existente co que queda certificado o Camiño do Mar foi unha auténtica e importante ruta utilizada polos peregrinos na súa viaxe a Compostela. Ademais de documentos escritos, o “fascinante e revelador estudo”, engadiu o Presidente, inclúe máis de 200 fotos e abondosos mapas que describen todos os tramos do Camiño do Mar.
Ademais de impulsar “a firme aspiración e empeño” da Deputación en favor da oficialización do Camiño do Mar, o libro avala a demanda que diversos colectivos sociais e empresarias veñen facendo dende hai anos para que a Xunta recoñeza oficialmente esta ruta xacobea, pois suporía un relevante impulso para economía mariñana polo aumento de visitantes que levaría consigo.
Un Camiño con tres entradas
Este itinerario une Ribadeo e Ferrol, poboación na que comeza un dos ramais do Camiño Inglés e co que se une ata chegar a Compostela, percorrendo concellos que teñen en común o feito de ser costeiros, de aí o nome de Camiño do Mar. A ruta conta con tres alternativas de entrada: unha terrestre, dende Ribadeo, que vai pola beiramar ata Compostela; outra marítima, que leva consigo o percorrido en barco chegando ata os portos lugueses e seguindo logo a terrestre; e unha terceira ruta –a de regreso– na que os peregrinos volvían sobre os seus pasos para chegar de volta aos portos, e dende eles embarcar aos seus países de orixe.
Compromiso coa difusión das rutas xacobeas
Gómez Besteiro lembrou na presentación do libro que o seu firme compromiso coa oficialización do Camiño do Mar data de hai xa un ano, “cando presentamos no Castelo de Pambre a primeira publicación feita en Galicia que recolle todos os Camiños a Compostela que pasan pola nosa provincia”. Esta guía, Rutas a Santiago en la Provincia de Lugo, formou parte do parte do proxecto Km0 a Compostela, “que puxemos en marcha hai catro anos e que converteu así á Deputación de Lugo na primeira administración cunha programación estable e previa ao Ano Santo”, asegurou Besteiro. O libro recollía os catro Camiños: o do Norte, o Primitivo, o Francés e o de Inverno, quedando pendente o do mar. Daquela, o Presidente comprometeuse a sacar á luz un volume exclusivamente dedicado a esta ruta pola Mariña unha vez terminada a investigación de Fernández Pacios, unha promesa que hoxe se fixo realidade.
Neste senso, o Presidente garantiu que “dende a Deputación imos seguir traballando, sen escatimar ningún esforzo, con novas iniciativas para potenciar e poñer en valor todo canto estea relacionado co fomento e difusión dos itinerarios xacobeos que atravesan a nosa provincia”.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
