BARREIRO
Os focegos acabamos de despedir a quen foi un dos seus mais populares e carismáticos veciños. Xosé Barreiro Pérez chegara á vila hai sesenta anos, procedente das súas terras betanceiras de Coirós, tras aprobar a oposición para Oficial Habilitado da Xustiza e destinado ó xulgado de Foz. Mais tarde sería secretario e, despois de xubilado, xuíz de paz.
O seu carácter extravertido, a naturalidade no trato, a modestia e a simpatía fixeron que de contado se convertera nun personaxe apreciado polas xentes, acollido con agrado en todo círculo, tertulia e conversa, pois traía acotío o exemplo didáctico a través de vellos ditos da paisanaxe, os refráns oportunos e os feitos, por el coñecidos ou escoitados, que amenizaban con especial engado e acerto singular todo debate ou coloquio, do que case sempre, sen el propoñerse tal,convertíase no centro do mesmo.
Este cronista co que, perante anos, conviviu baixo o mesmo teito, é testemuña de excepción do singular dunha personalidade cuxo trato e afecto mutuo perduraron ó longo de décadas, dende a nosa adolescencia.
Inimigo de todo artificio, mesmo á hora de xantar, defendía sempre toda expresión natural en contraposición a modas absurdas ás que el así consideraba. No apaixonante e apaixonado mundo futboleiro declarábase, por enriba de todo, seguidor do Deportivo da Coruña. Fiel á súa terra e ás súas xentes, con el gozou dos éxitos e sufriu os fracasos; pero endexamais renegou dos seus sentimentos por mor de arrimar ó sol que mais quenta….
A súa personalidade peculiar, a modestia e simpatía, o enciclopédico saber vital e retranqueiro, o coñecemento e dominio da idiosincrasia das xentes da nosa terra, que facían posible a ilustración en clave de humor en toda xuntanza; a permanente actitude de servizo e atención á veciñanza, fixeron que de contado, dende a chegada a Foz, como dicimos, hai 60 anos, Barreiro se gañase a popularidade e o aprecio das nosas xentes das que da grande maioría coñecía nomes e apelidos e relacións familiares.
Mentres o destino o permita permanecerá na nosa memoria.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
