O comercio de Foz abrirá ininterrompidamente o 24 e o 31 de dez da mañá a seis e media da tarde

16 Decembro, 2011

Nota de prensa

O COMERCIO DE FOZ ABRIRÁ ININTERRUMPIDAMENTE OS DÍAS 24 E 31 DE DECEMBRO DE 10 DA MAÑÁ A SEIS E MEDIA DA TARDE. O OBXECTIVO, SEGUNDO JOSÉ CARLOS PALEO, É FACILITARLLE AS COMPRAS Á SUA CLIENTELA.

Foz, 16 de decembro de 2011. O comercio de Foz abrirá ininterrumpidamente os días 24 e 31 de decembro de dez da mañá a seis e media da tarde para facilitarlles as compras destas datas aos seus clientes, segundo ven de anunciar a Asociación de Comerciantes, Industriais e Autonómos de Foz.
O seu presidente, José Carlos Paleo, sinala que “o que pretendemos abrindo os días de noiteboa e noitevella de xeito ininterrumpido é que a xente compre sen apuros e sen agobios. Son moitos os que deixan as súas compras destas festas para o último día e queremos que poidan facelo sen estar pendentes do reloxio”. O comercio de Foz estará aberto os días 24 e 31 de decembro de 10 da mañá a 18:30 horas da tarde, de forma continuada “é decir non van pechar a mediodía para que todo o mundo teña tempo de comprar os seus agasallos, de recoller os seus encargos, en definitiva de mercar dun xeito máis cómodo e sen presas neses días tan sinalados e de tantos preparativos para todas as familias”.
Festa do cogomelo
Foz acolle hoxe e mañá, 16 e 17 de decembro a I Festa do Cogomelo que organiza a Asociación de Comerciantes, Industriais e Autónomos en colaboración cos Bolouros.
Un total de 35 bares, mesóns e restaurantes se darán cita nesta festa, e servirán tapas elaboradas con cogomelos. Son: A Caracola, A Funcional, A Maseira, A Quinta, A Sexta, A Bolera, Acuario, O Taco, A Dala, Dallas, Happydays, May-Ros, Xoima, Anduriña, O Rincón de Anita, Fina, Internacional, Portovello, Express, O Norte, Leytón, O Tangarte, O Tangarte Mariñeiro, Namarinos, O Náutico, O Pelolo, O Salado, A Soalta, pizzería Xoiña, As Brasas, Costumes do Mar, Dandy, O Lar, O Mar e Portochico.
Colaboran tamén nesta cita gastronómica a Unión Europea, a Xunta de Galicia, a Federación de Comercio de Lugo, a Deputación Provincial de Lugo e o Concello de Foz.
Desde ACIA Foz animan “a todo o mundo a achegarse á nosa vila a disfrutar desta nova festa gastronómica”.