Nota de prensa:
O G.M. DO PP PÍDELLE AO ALCALDE E AO SEU EQUIPO DE GOBERNO SERENIDAD E REFLEXIÓN Á HORA DE ABORDAR A PROBLEMÁTICA DA SEGURIDADE NO NOSO CONCELLO.
A recente oleada de roubos que se produciron na nosa da vila, sendo un dos feitos que maior preocupación xera aos nosos veciños non é un feito novo senón que é un suceso que desgraciadamente se ven repetindo periodicamente ao longo dos últimos tempos, o que ven a amosar que o traballo desenvolvido ate o de agora non deu o resultado que debera.
É o Concello de Ribadeo quen ten a responsabilidade de impulsar e coordinar as actuacións que permitan garantir e preservar a seguridade na vida dos Ribadenses, polo que, tralo acontecido, o Alcalde e o equipo de Goberno deben asumilas súas propias responsabilidades e non buscar responsabilidades alleas, é momento de que dende o Concello se faga unha valoración do traballo que se ven desenvolvendo dende esta Institución neste eido para acadar unha solución ao problema.
Desgraciadamente os feitos veñen a amosar que ata o de agora dende o Concello non se fixo nada o respecto, sendo o único constatable, e sempre, a través dos medios de comunicación, os lamentos do Alcalde cada vez que suceden feitos semellantes, lamentos que logo, co paso do tempo se esvaecen quedando no esquecemento, pero sen que dende a Administración Municipal se tomen medidas posteriores encamiñadas a impulsar a busca da solución deste grave problema.
Tralos feitos como os acontecidos é que os nosos Gobernantes deben amosar serenidade nas súas actuacións debendo transmitir aos veciños un sentimento de tranquilidade e sosego. Dende o noso Grupo entendemos que a procura de solucións debe pasar por una actuación conxunta entre as Administracións, Institucións, … con responsabilidades na materia, sendo rexeitable que a primeira actuación do noso Alcalde fora acudir á prensa, para descargar responsabilidade propia facendo responsables a outras Institucións e poñendo en entredito o seu traballo.
Momentos como éste precisan do sosego e templanza dos nosos gobernantes, evitando verter nos medios de comunicación manifestacións estridentes e fora de ton, que o único que fan é crear un clima de enfrontamento entre Institucións que para nada contribúe para devolver aos nosos veciños o sentimento de seguridade e confianza que feitos como os acontecidos lles arrebataron.
É momento de colaborar e cooperar entre todos, Administracións, Institucións, asociacións, veciños … ata o último de nós ten a responsabilidade de colaborar na procura de solucións que poña fin a esta grave situación que non é nova para nosa vila. É responsabilidade do Concello ofrecer, que non esixir, esa colaboración e cooperación; é a súa responsabilidade vir coordinando de diario esforzos e actuacións e non esperar a que acontezan feitos coma os que estamos a falar; é a súa responsabilidade eliminar atrancos e non crealos, xerando coa súa actuación malas relacións con outras administracións das que en todo caso dependemos.
Dende o G.M. do PP pedímoslle o noso Alcalde e ao equipo de goberno que tomen a iniciativa e impulsen a procura de solucións que lle devolvan aos veciños a confianza e seguridade de que as súas vidas e bens están protexidos, pero sempre dentro do respecto ao traballo e as actuacións das outras Institucións con responsabilidade na materia.
Dende o G.M. do PP cremos que entre as primeiras medidas que tralo acontecido deberan terse tomado dende a Alcaldía (e antes de acudir aos medios de comunicación) sería convocar aos Grupos Municipais e informalos da situación e das actuacións que se están a impulsar dende o Concello para entre todos poder contribuír a buscar a solución dun problema que afecta por igual a tódolos veciños, a uns e outros, calquera que sexa a súa ideoloxía, pero non se fixo, co que cremos que se desperdiciou unha boa oportunidade para poder transmitir aos nosos veciños o rexeitamento de toda a Corporación Municipal fronte a estes feitos, e a seguridade de que todos estamos implicados na tarefa de recuperar o clima de seguridade e confianza que precisamos para que as nosas vidas volten ao seu ritmo normal. Non obstante, dende o G. M. do PP queremos amosar o noso ofrecemento para colaborar e cooperar co Concello e co resto das Administracións Públicas e Institucións sobre as que recae a responsabilidade de garantir a seguridade dos nosos veciños, para entre todos acadar solucións ao problema e levar a cabo actuacións que permitan garantir a calidade de vida que merecen os nosos veciños.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
