Nota de prensa
A DEPUTACIÓN PRETENDE ATRAER 2000 PERSOAS Á PROVINCIA EN FEBREIRO A TRAVÉS DO PLAN DE DESESTACIONALIZACIÓN DO TURISMO
Mario Outeiro non estamos en Fitur porque “o que hai que facer é que Lugo chegue aos destinos turísticos, non que os políticos vaian aos destinos turísticos”
Outeiro anunciou que a vindeira semana van estar elaborados os estatutos da empresa pública de turismo, onde ser recollen os seus obxectivos
Lugo, 20 de xaneiro de 2012. O delegado de Cultura e Turismo da Deputación de Lugo, o nacionalista Mario Outeiro, aproveitou a coincidencia da Xunta de Goberno da Deputación coa celebración de FITUR para afirmar que “non hai representación institucional da Deputación de Lugo na mesma feira, pero isto non significa que os produtos turísticos da provincia non estean nese escaparate do sector, é máis, non parece o máis razoábel dedicar fondos destinados á promoción e ao aumento do gasto turístico a sufragar o desprazamento e a hospedaxe de responsábeis políticos a Madrid. Precisamente, o mellor xeito de traballar polo aumento do gasto turístico, que é o realmente importante, é estando hoxe aquí: primeiro porque permite priorizar en cuestións centrais e non accesorias o investimento realizado no eido turístico e, segundo, porque o que temos que garantir é que Lugo chegue aos destinos turísticos, non que os políticos de Lugo se despracen aos destinos turísticos”.
“Grazas ao traballo que estamos a realizar desde o departamento de Turismo – continuou Mario Outeiro – contamos que Lugo no seu conxunto, tanto na zona da Mariña como nas comarcas do centro e do Sur, reciba máis de 2000 visitantes no mes de febreiro. Isto conseguirase mediante o plan de desestacionalización do turismo que poremos en marcha xa para febreiro como medida de choque neste primeiro trimestre de 2012, que esperemos que acade bos resultados, atraendo visitantes nunha época do ano que habitualmente presenta uns pobres resultados turísticos xa que a demanda é practicamente nula”. Mario Outeiro explicou que se trata “dun plan xa falado co sector, que pretende garantir que as pernotacións e o gasto turístico se manteña nun período particularmente complicado. Este programa de desestacionalización incide en mobilizar as enerxías da demanda interna, como conseguimos co plan de termalismo, e tamén en atraer visitas do mercado estatal. Até agora os contactos que temos feito permítennos concluír que isto vai funcionar e que mellorará a ocupación fóra de tempada, sen dúbida”. “Deste plan de desestacionalización xa se van dar cumpridos detalles nos vindeiros días, sinalando aqueles aspectos nos que se vai facer as actuacións máis puntuais”, concluíu Mario Outeiro.
Ademais, Mario Outeiro aproveitou para anunciar que “a vindeira semana van estar elaborados e redactados os estatutos que rexerán a Empresa Pública de Turismo, onde ficarán esclarecidos os seus obxectivos”. Mario Outeiro explicou que “a nosa acción de goberno susténtase sobre un dobre eixo baseado na aposta polo benestar, desde a perspectiva de que a crise non sexa un instrumento que aumente as desigualdades sociais, e no emprego, porque diante dunha situación como a actual o sector público non pode mirar para outro lado, senón que ten que traballar naquelo que é máis necesario. Neste ámbito de actuación é onde hai que situar a creación da Empresa Pública de Turismo, como unha ferramenta para potenciar unha actividade económica que representa xa o 13% do noso PIB e que ten aínda máis percorrido e unhas enormes potencialidades. Trátase, polo tanto, de actuar na demanda agregada para crear máis emprego, de favorecer o crecemento económico do sector, e iso conséguese aumentando o número de visitantes, dándolles opcións para aumentar o seu tempo de estancia e contribuíndo a aumentar o gasto por turista, algo que hoxe se presenta como o reto máis complicado”.
Con esta finalidade continuou Mario Outeiro explicando que “garantiremos o carácter fundamentalmente público da empresa que se cree e contaremos na mesma coas principais asociacións que agrupen as empresas ligadas co turismo, hostalería, casas de turismo rural e, por suposto, os diferentes territorios de Lugo. Porque, se queremos ser efectivos, faise necesaria a concertación entre o conxunto dos axentes públicos e privados para desenvolver actuacións partindo dunha diagnose e unha estratexia comúns, actuacións que temos que definir entre todos e que deben concretarse na formulación e posta en marcha de novos paquetes turísticos, no potenciamento dos que actualmente existen, na apertura de novos nichos de mercado diferentes aos dos visitantes que xa ten fidelizado a provincia e, por suposto, na desestacionalización do turismo”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.