Nota de prensa
Gómez Besteiro propón nomear a Isaac Díaz Pardo Fillo Adoptivo da Provincia de Lugo
– A Xunta de Goberno aprobou iniciar o expediente que, no vindeiro Pleno, deberá contar co apoio de 2/3 da Corporación para conceder a maior condecoración da provincia ó intelectual
– A Deputación liquidou a débeda do canon en Monforte, adxudicando hoxe a derradeira actuación: a última fase de iluminación no paseo peonil do Río Cabe con de 70.000 euros
– A institución contrata as derradeiras actuación de mellora na CP 4902, do Alto do Valiño por Vilaxuste a Valdeporrás, en Portomarín, onde inviste preto de 800.000 euros
A Xunta de Goberno aprobou iniciar o expediente para a concesión da distinción de Fillo Adoptivo da Provincia de Lugo a Isaac Díaz Pardo. O voceiro provincial socialista, Manuel Martínez, avanzou que “este será un dos asuntos que levaremos ó vindeiro Pleno onde, segundo dicta o Regulamento de Honras e Distincións, deberemos contar co apoio de dous terzos da Corporación para, finalmente, poder outorgar ó destacado intelectual recentemente falecido a maior condecoración da provincia”.
O voceiro salientou que “a proposta do Presidente da Deputación, José Ramón Gómez Besteiro, este equipo de Goberno quere nomear a Díaz Pardo Fillo Adoptivo da Provincia en recoñecemento do seu compromiso coa difusión da cultura galega, así como o seu extraordinario legado artístico que, de xeito tan especial, repercutiu na provincia luguesa”. É e que, o tamén pintor, ceramista, deseñador, editor e empresario galego desempeñou un inxente traballo de dinamización socioeconómica en Lugo como refundador e impulsor do Complexo Industrial da Cerámica de Sargadelos, en Cervo, converténdoa nun referente tanto a nivel cultural como social. Ademais, tamén foi membro do primeiro Consello Provincial de Cultura que, a mediados da década dos oitenta, se constituíu na Deputación co obxectivo de promocionar e impulsar as iniciativas culturais dos artistas lucenses.
A distinción de Fillo Adoptivo concédeselle a persoas que, malia non nacer na provincia, prestaron un importante servizo en beneficio da mesma. É a maior condecoración da provincia xunto a de Fillo Predilecto. Logo sitúase a Medalla de Ouro ou Plata e, seguidamente, os nombramentos de membros de Honra da Deputación.
Liquidada a débeda do canon en Monforte
A Deputación liquidou a débeda do canon en Monforte, adxudicando hoxe a derradeira obra neste Concello con produción hidroeléctrica “que non contaba con sentenza favorable pero si co compromiso deste Goberno provincial”, destacou Martínez. Trátase da última fase de iluminación no paseo fluvial do Río Cabe, dotada de 70.000 euros. En total, mediante o canon, a institución provincial achegou a Monforte de Lemos 233.097 euros para execución de 6 actuacións que, a excepción da contratada este venres, están todas finalizadas. Estas son as seguintes: acondicionamento de diversos camiños municipais como o de Raimundo Patiño ou os da zona de Lodairo; humanización da rúa Otero Pedrayo; ademais de as varias fases de actuación para a iluminación total do paseo peonil no Río Cabe.
Máis de 200.000 euros en Portomarín
A sesión acordou a adxudicación de obras adicionais por valor de 216.477 euros na CP 4902, do Alto do Valiño por Vilaxuste a Valdeporrás, en Portomarín, onde a Deputación está a executar na actualidade traballos de mellora en máis de 4 quilómetros, concretamente, dende o punto quilométrico 0,000 ó 4,200. Este novo investimento adicarase á mellora do firme e da sinalización, así como para completar as obras de drenaxe e revestir as cunetas de formigón.
Con estas actuacións, que teñen un prazo de execución de 1 mes, o organismo provincial rematará coas obras neste vial nos que, xunto á partida aprobada hoxe, inviste preto de 800.000 euros. (787.977 euros). Este orzamento permite ensanchar a estrada, pasando dos 4 metros ós 8 metros de ancho, mellorar o trazado e o firme con aglomerado en quente, ademais de construir unha nova ponte sobre o Piunca de 10 metros de ancho.
Pequenas obras
A Xunta de Goberno deu conta ademais, da adxudicación doutras 3 pequenas obras: a mellora de accesos no núcleo rural de Valdomao, no Incio, por valor de 13.500 euros; dotación da instalación eléctrica no local social situado á carón do campo de fútbol de Espasantes, en Pantón, con 7.080 euros; e a execución dun muro de contención e colocación de bionda na CP 4109, de Ferreira e Goián, en Pantón, dotada de 14.600 euros. O voceiro destacou que con esta última actuación a Deputación completa as actuacións de mellora na estrada de acceso á igrexa de Ferreira nas que investiu preto de 180.000 euros.
Finalmente, a sesión aprobou as contas xustificativas de 8 obras do Plan de Comunidades Veciñais levadas a cabo nos Concellos de O Corgo, A Pastoriza, A Pontenova, Ribeira de Piquín, Samos, Triacastela, Chantada e Begonte, por un valor de 133.100 euros, dos que a Deputación achegou 80.000 euros, o que supón, o 60%.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.