A escritora Lucía Sánchez Meitín presenta a súa obra “Intimo sendero de magia” no Centro Cívico de Xove

A escritora Lucía Sánchez Meitín presenta a súa obra “Intimo sendero de magia” no Centro Cívico de Xove

Nota de prensa

Recordolles que o pasado 19 de marzo de 2011 unha rapaza de Xove de tan só 31 anos presentaba no salón de actos do Centro Cívico o seu primeiro libro titulado “Dulce Camino Espinoso”, publicado pola editorial arxentina Vestales.

Esta moza é Lucía Sánchez Meitín: unha escritora nacida en Vilachá, na parroquia de Portocelo e que a pesar da  xuventude a súa traxectoria literaria con obras editadas polo concello de Xove como “A festa no aire. Tradición e lecer no Xove de antes” (2.006) e “De sol a sol. Un século de traballo en Xove” (2.010) abalan a súa profesionalidade e bo facer.

Dado o  éxito de ventas que acadou e sigue acadando a día de hoxe o seu primeiro libro é para nós un pracer, dende o Departamento de Cultura do Concello de Xove, convocalos á presentación da súa segunda obra “Intimo sendero de magia”,  que vai ter lugar o domingo 19 de febreiro de 2012, ás 18.00 horas, no Salón de Actos do Centro Cívico de Xove.

Este libro, que está publicado baixo o seudónimo de Rita Morrigan, é de xénero histórico-romántico e  está escrito en castelán dado que se vende en todo o mundo de fala hispana: Sudamérica, Estados Unidos e España.

Non podemos estar máis orgullosos de que a autora sexa do noso municipio e que faga soar o nome de Xove por todo o mundo e por iso é polo que queremos compartir con todos vostedes este acontecemento dende a Concellería de Cultura de Xove. Así, esperamos que esta veciña nosa esteña arroupada por todos nós o día da presentación desta segunda novela  e desexamos que esta nova sexa do interese de todos vós, agradecendo de antemán a máxima difusión posible.

A autora estará connosco e firmará exemplares do libro, ademais de respostar a todas as cuestións que queiran formularlle.