Nota de prensa
A Deputación impulsa a actividade de 13 PEMES que dan emprego directo 70 a persoas coas rutas de Km0 para esta semana
– Os 309 participantes nos itinerarios organizados achegaranse a establecementos de hostalería, obradoiros de artesanía e firmas agroalimentarias dos Concellos de Ribadeo, A Fonsagrada, Guitiriz, Palas de Rei, Guntín e Alfoz
– A próxima semana, o programa beneficiará a outras 11 firmas e entidades de Láncara, Sarria, O Corgo, Ribadeo, Lugo, Sober e Monforte nas que traballan unhas 70 persoas
– O Deputado de Cooperación recibiu este martes a 55 membros da Coral Ecos do Miño de Lugo e a 48 integrantes da Asociación de Meira, que percorreron as comarcas da Mariña e A Montaña, respectivamente
A Deputación impulsa coas rutas de Km0 que se desenvolverán ó longo desta semana a actividade de 13 pequenas e medianas empresas asentadas en 6 Concellos lucenses que dan emprego directo á unhas 70 persoas. Deste xeito, os 309 participantes nos itinerarios programados entre este martes e o xoves visitarán establecementos de hostalería, obradoiros de artesanía e firmas agroalimentarias dos Concellos de Ribadeo, A Fonsagrada, Guitiriz, Palas de Rei, Guntín e Alfoz, contribuíndo a dinamizar os negocios, non soamente nas propias xornadas nas que teñen lugar as rutas, senón de cara ó futuro, pois Km0 contribúe a dar a coñecer e promocionar os seus produtos e servizos, co que aumentan as posibilidades de que os visitantes repitan, no marco do programa do organismo provincial ou fóra del, e mesmo que animen a outras persoas a achegarse ós establecementos.
A variedade dos destinos que caracteriza a programación de Km0 desta semana manterase a próxima, con viaxes a Láncara, Sarria, O Corgo, Ribadeo, Lugo, Sober e Monforte. Neste caso, veranse beneficiadas polo proxecto da Deputación 11 PEMES de hostalería, artesanía e alimentación que dan emprego de maneira directa a unhas 70 persoas.
A institución luguesa colabora na actualidade con 125 empresas e entidades de toda a provincia, pero todas aqueles interesados en formar parte da iniciativa poden facelo. Tan só teñen que dirixirse á entidade provincial, chamando ó numero de teléfono 982-26-74/75.
As rutas da semana
A programación de Km0 desta semana arranca hoxe con dous itinerarios pola Mariña e A Montaña, dos que gozarán un grupo de 55 membros da Ecos do Miño de Lugo, e 48 integrantes da Asociación de Meira, respectivamente. Ambos colectivos foron recibidos no Pazo de San Marcos polo Deputado de Cooperación e Asistencia aos Concellos, Juan José Díaz Valiño. Seguidamente, o coro lucense coñeceu as instalacións da Fundación TIC e, xa en Ribadeo, comeu no Parador de Turismo, deu un paseo en lancha pola ría, subiu no ascensor panorámico do peirao de Porcillán e visitou o Convento das Clarisas. Pola súa banda, os veciños de Meira achegáronse ó Mazo de Santa Comba para comer despois no restaurante fonsagradino Cantábrico, facer un percorrido por Negueira de Muñiz e coñecer o Museo da Fonsagrada.
Na xornada de mañá mércores, dous grupos de escolares farán as rutas de Km0: 55 rapaces do CEIP San Cosme de Barreiros viaxarán a Guitiriz e 48 do CEIP de As Nogais achegaranse a Palas de Rei e Guntín. Os alumnos barreirenses iniciarán o itinerario no Centro de Artesanía e Deseño (CENTRAD) da Deputación. Xa na vila guitiricense darán un paseo pola Ruta dos Muíños, coñecerán o reloxio analemático e visitarán a panadería La Esquina. O grupo comerá no restaurante La Casilla. En canto ós estudantes das Nogais, coñecerán nun obradoiro artesán as características da típica olería de Bonxe, entrarán no castelo palense de Pambre, comerán no restaurante Parada das Bestas, visitarán Vilar de Donas e estarán en Granxa Maruxa.
Dous itinerarios pola Mariña pecharán o xoves o programa de Km0 desta semana. Por unha banda, 48 integrantes do grupo de ximnasia do barrio lucense da Ponte redescubrirán o Mazo de Santa Comba e, tras comer no bar alfocense Niza, achegaranse ó Cadramón, á fortaleza de Pardo de Cela e a Finca Galea. Doutro lado, 55 veciños do Concello de Xermade, despois de coñecer o Centro de Interpretación Terras do Miño, viaxarán a Ribadeo, onde gozarán dunha travesía pola ría, subirán no ascensor panorámico de Porcillán e visitarán o Convento das Clarisas. A comida terá lugar no restaurante O Cabazo.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
