Nota de prensa
1.- PÓSPONSE A REPRESENTACIÓN DA OBRA “O MÉDICO A PAOS”
A Xerencia da Rede de Museos da Deputación de Lugo comunica que a representación teatral prevista no Museo Provincial do Mar de San Cibrao para mañá, xoves, 12 de xaneiro de 2012, a cargo do grupo de teatro Pinchacarneiro coa obra “ O médico a paos” queda posposta para o mes de marzo.
2.- REPRESENTACIÓN DA OBRA “A BARBERÍA DO PALLAREGO”
Este sábado, 14 de xaneiro e 2012, ás 18.00 h., no Museo Provincial do Mar, en San Cibrao-Cervo, representación da obra A barbería do Pallarego polo grupo de teatro infantil de Mondoñedo Érase unha vez… composto por máis dunha ducia de mozas e mozos entre os 8 e os 14 anos.
A BARBERÍA DO PALLAREGO
A obra A barbería do Pallarego, lugar e personaxe emblemáticos tanto na obra como na biografía de Álvaro Cunqueiro, creouse e representouse como homenaxe ao ilustre intelectual mindoniense con motivo de celebrarse o centenario do seu nacemento o pasado ano 2011.
Todas as esceas transcorrren nun decorado que reproduce a barbería do Pallarego durante as festas das San Lucas, pois este barbeiro, á parte de desempeñar o seu oficio, escoita e resolve os problemas da xente que por alí pasa.
Os personaxes que dan vida á obra son todos mindonienses de hai uns anos como, por exemplo, Pepita e Victorina, Doloriñas, Rosalía, Lamparillas, de La Fuente, Remeditos (a filla do Pallarego)…e Alvarito Cunqueiro de neno coas súas ocurrencias.
ÉRASE UNHA VEZ…
Grupo de teatro creado no verán de 2009 logo de realizarse un taller de teatro dirixido por Esther Otero. Está composto por pícaros e pícaras entre 8 e 14 anos. Desde entón representaron obras como “O mundo dos Filipinos” (2009); “O conto do dragón” (2010), “As catro estacións” (2010) e a “A barbería do Pallarego” (2011).
A entrada é libre e gratuíta.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
