Nota de prensa
GONZÁLEZ BARCIA FIXO BALANCE DO PRIMEIRO MEDIO ANO DE MANDATO, NO QUE SE INICIARON PROXECTOS E SE DESBLOQUEARON OUTROS. O ALCALDE CONSIDERA QUE O PXOM “ESTABA ALGO PARADO E BOTOU A ANDAR A BÓ RITMO” E ASEGURA QUE “TOMAR CERTAS DECISIÓNS EN FUNCIÓN DA SITUACIÓN ECONÓMICA NON É DO AGRADO DE NINGUÉN”.
Burela, 5 de xaneiro de 2012. O equipo de goberno burelés, encabezado polo alcalde, o popular José María González Barcia, compareceu hoxe en rolda de prensa para facer un resumo do primeiro medio ano de goberno popular logo das eleccións municipais de maio de 2011 e da súa toma de posesión o día 13 de xuño. Para Barcia, o resume é claro “houbo inicio de proxectos, e desbloqueo de outros, pero tamén pelexa por outros mais que consideramos importantes, sen esquecer que tomar certas decisións en función da situación económica herdada non é do agrado de ninguén”.
O alcalde burelés considera moi positivos os desbloqueos a certos proxectos que estaban pouco menos que paralizados, “o PXOM estaba prácticamente quieto, e neste medio ano déuselle un bon empuxón, botou a andar a bo ritmo, con reunións coa Xunta e con Estradas do Estado, para poder ir a unha aprobación inicial canto antes”.
Sobre este asunto, González Barcia indicou que “non estamos para nada de acordo co trazado definitivo do corredor Barreiros-San Cibrao fixado polo Ministerio de Fomento de José Blanco, porque non contempla as alegacións feitas no sei día polo Concello, de feito estamos vendo as posibilidades legais de poder evitar tal aprobación definitiva, pero a día de hoxe só nos queda reflexalo no Plano Xeral de Ordenación Municipal”.
A xuizo de Barcia, tamén se iniciaron outros proxectos que poden ser moi importantes para Burela, “que a Consellería de Sanidade solicitase oficialmente disposición de solo ao Concello para unha futura ampliación do Hospital da Costa foi unha boa noticia e nese senso en próximas datas pode haber máis noticias”.
Edar e parque eólico singular
O alcalde de Burela engadiu que “ademais comenzamos a traballar na ampliación da EDAR actual ou na construcción doutra nova. Este asunto é de enorme importancia, porque pode garantir o saneamento de Burela para un futuro moi amplo; e aínda que esta obra sabemos que non é doada nin se vai conseguir en dous días, estamos xa a traballar para poder facela realidade”.
Outro proxecto retomado polo equipo de Barcia é o do parque eólico singular, “paralizado polo bipartito. Sabemos que é moi complexo poder concretalo, pero estamos intentándoo”. O equipo de González Barcia tamén salientou que Portos de Galicia está a traballar sobre a remodelación da dársena interior do porto burelés, “o que pode favorecer a ampliación do número de atraques”.
O alcalde de Burela, José María González Barcia, non se puxo de perfil ante cuestións que preocupan aos cidadáns e manifestou que non perde de vista o acceso ao porto, “sabemos que é imprescindible para Burela, sabemos que é prioritario para a Xunta, e polo tanto pelexaremos para que sexa realidade canto antes”.
Servizos sociais
Ademais, o rexedor burelés destacou “o mantemento de todos os servizos sociais que estaban funcionando; se alguén pensaba que iamos desmantelar servizos básicos, estaba equivocado. Tamén se mantén e mesmo se amplía a oferta que o Concello fai para que os centros de primaria teñan abertas as portas pola tarde, e ampliamos a oferta educativa da Escola Municipal de Música”.
Noutro ourde de cousas, González Barcia manifestou sentirse satisfeito coa apertura dunha nova zona de aparcamento gratuito, e aseguro que “se abrirán máis, pero os cartos son os que son e non podemos ir máis rápido”. Ademais, “a xente percibe que desde o Concello se actúa con máis celeridade, o que repercute no conxunto dos cidadáns”.
En materia de deporte, o alcalde remitiuse ás súas declaracións destes días, “se non se pode comprometer, pois non nos comprometemos, pero quero recordar que desde o Concello mantemos as escolas deportivas municipais, e aportamos aproximadamente setenta e cinco mil euros para actividades e mantemento de instalacións”.
Tampouco se puxo Barcia de perfil sobre os recortes, “a situación económica herdada é moi grave; e houbo que adoptar medidas, porque os cidadáns non queren que se hipoteca a economía municipal porque eso significa hipotecar a economía de todos. E tomamos medidas sen que nos temblase a man. Tan mal non o debimos facer, cando Concellos de todos, absolutamente de todas as cores políticas, están adoptando medidas similares ás nosas: Ribadeo, Monterroso, Cervo, etc. De todos os xeitos imos procurar que as medidas adoptadas duren o menor tempo posible”.
González Barcia rematou a súa comparecencia dicindo que “queda moito traballo por facer, e desde logo o que non nos faltan son ganas de traballar. Os cidadáns poden estar convencidos de que imos seguir traballando e loitando pola millora da calidade de vida dos cidadáns deste concello, tendo en conta que a situación é a que é”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
