Nota de prensa
FERNANDO SUÁREZ ESÍXELLE AO MINISTERIO DE FOMENTO O ARRANXO DUN BACHE DE GRANDES DIMENSIÓNS NA A-8 AO SEU PASO POLA PARROQUIA RIBADENSE DE VILAFRAMIL. O REXEDOR ADVIRTE QUE A ESTABILIDADE DOS COCHES QUE CIRCULAN POR ESA ZONA VÉSE SERIAMENTE COMPROMETIDA E DI QUE CALQUERA DÍA PODE PRODUCIRSE ALGÚN SINISTRO GRAVE.
Ribadeo, 23 de xaneiro de 2012. O alcalde, Fernando Suárez, envióulle un escrito á Demarcación de Estradas do Estado en Lugo esixindo o arranxo dun bache de grandes dimensións na A-8 ao seu paso pola parroquia ribadense de Vilaframil. O rexedor advirte que a estabilidade dos coches que circulan por esa zona queda comprometida e di que calquera día pode producirse algún sinistro grave.
Suárez Barcia indicou que “se trata de resolver este bache inmenso que hai na A-8, á altura aproximadamente da parroquia de Vilaframil no punto kilométrico 510, onde non se teñen rexistrado accidentes polo momento, pero moitos veciños nos indican que estiveron a punto de sofrir algún”. O alcalde de Ribadeo explicou que “o aglomerado asfáltico está tan deteriorado nesa zona que ao pasar a 110 ou 120 kilómetros por hora a estabilidade do vehículo queda seriamente comprometida. É algo que molesta moitísimo que esta situación siga así desde hai moito tempo”.
Fernando Suárez sinalou que “non se trata de que o Ministerio de Fomento volte a aglomerar a autovía, senón que nunha parte moi concreta da A-8, nuns 100 metros cadrados, repoña e amañe ese tramo de asfalto. Están advertidos a través dos seus vixiantes desde hai moito tempo, entendo que son coñecedores, sei que os apretos económicos nos afectan a todos, pero para bachear este treito non terían porque demorarse moito máis”.
O alcalde ribadense lembrou que “outras vías de comunicación que tamén dependen de Fomento, como é o caso da N-642 desde Ribadeo ata Porto, tamén está nun estado lamentable. Desde hai anos sempre se nos di que están a facer o proxecto, isto ten un custe económico maior, aínda que non ten perdón que estea sen amañar. Pero neste caso dun bache nunha autovía feita hai catro anos e que estea desde hai tempo dando mostras de perigo e que estea sen amañar é algo que desde o Concello de Ribadeo lles esiximos dunha maneira firme ao Ministerio de Fomento para que proceda ao seu arranxo, porque o día menos pensado vai haber un accidente e eles van ser os responsables do que alí poida pasar”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
