Nota de prensa
Traballo forma a 24 alumnos en albanelería, carpintería e xardinería no obradoiro de emprego de Alfoz e Valadouro
A conselleira do departamento autonómico, Beatriz Mato, clausurou hoxe esta iniciativa que busca a inserción laboral das persoas desempregadas
As actuacións desenvolvidas polos participantes permitiron a rehabilitación dos centros sociais da Pinguela e de Chao, o acondicionamento da rotonda de Ferreira e a mellora das marxes dos ríos Ouro, Bao e Ferreira
Mato indicou que o Goberno galego destinou en 2011 máis de 100.000 euros a accións de promoción do emprego en Alfoz e preto de 50.000 en Valadouro, un financiamento ao que se suman os preto de 520.000 euros investidos no obradoiro de emprego
Puxo en valor aos concellos que chegan a acordos para levar adiante iniciativas conxuntas en materia de emprego
Alfoz (Lugo), 23 de xaneiro de 2012.- O obradoiro de emprego de Alfoz e Valadouro no que a Consellería de Traballo e Benestar investiu preto de 520.000 euros acadou a formación de 24 persoas desempregadas nas especialidades de albanelería (10), carpintería 8) e xardinería (6). A titular do departamento autonómico, Beatriz Mato, clausurou hoxe esta iniciativa que combina a práctica laboral cunha formación de calidade co obxectivo de acadar unha aprendizaxe axeitada ás necesidades do mercado laboral.
Así o destacou a conselleira, quen indicou que a prioridade do Goberno galego segue a ser a mellora da empregabilidade dos traballadores e traballadoras de Galicia proporcionándolles novas ferramentas e habilidades que amplíen as súas opcións de atopar un posto de traballo.
Apuntou, ademais, que outra das vantaxes dos obradoiros de emprego- unha modalidade de política activa de emprego-, é que permite “un importante espazo de colaboración entre a Xunta cos concellos”, ao tempo que puxo en valor ás administracións locais que chegan a acordos entre elas para levar adiante iniciativas conxuntas en materia de emprego.
Desta forma, explicou que o obradoiro de Alfoz e Valadouro, ademais da formación dos alumnos, permitiu a rehabilitación dos centros sociais da Pinguela e de Chao, o acondicionamento da rotonda de Ferreira e a mellora das marxes dos ríos Ouro, Bao e Ferreira.
Así mesmo, Mato destacou que a Xunta levou a cabo outras accións en materia de emprego nestes concellos ao longo de 2011. Sinalou, ao respecto, que en Alfoz investíronse máis de 100.000 euros en actuacións de promoción do emprego e preto de 50.000 en Valadouro.
Para 2012, a titular de Traballo resaltou que a Administración autonómica reforzará a aposta por este tipo de programas, destinando en toda Galicia máis de 20 millóns de euros. Ademais, resérvanse 45,1 millóns de euros para os plans de cooperación cos concellos e 19,7 millóns para os programas de cooperación coas entidades. En total, a Xunta financiará con preto de 85 millóns de euros diferentes programas para a mellora da empregabilidade.
“Reforzaremos, polo tanto, estas liñas de actuación que están enmarcadas no noso obxectivo primordial que é o da recuperación da senda da estabilidade económica e do emprego”, concluíu a conselleira.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
