Nota prensa
*VISTA ALEGRE RECIBE O SEGUNDO CLASIFICADO, ANDORRA, CON MARCA TV*
O Burela FS Pescados Rubén pelexará por recuperar o camiño da vitoria mañá
*(venres 20, 21.00 horas)*, no seu regreso a Vista Alegre, coa visita do segundo
clasificado (28 puntos), Hotels Plaza Andorra, ante os focos de Marca TV. *A
entrada será gratuíta.*
*A bomboneira disporá da Pista Oficial da Liga Nacional de Fútbol Sala como
alfombra de luxo para o que o pichichi laranxa, Dani Martín, considera“unha
oportunidade única na que poderemos amosarlle a toda España do que é capaz o
Burela FS, demostraremos que podemos cambiar as cousas; a presenza de Marca TV é
para nós un extra de motivación no noso firme obxectivo”.*
**
*O Hotels Plaza chega nunha boa etapa, con 4 puntos nas dúas últimas xornadas.
No entanto, o xogo a domicilio non é unha das súas principais fortalezas, con 9
puntos de 21 posibles, e terá que poñer a proba o parapeto burelista. “Vai ser
un partido moi igualado e duro, que se decidirá por pequenos detalles. Temos que
saír concentrados para rematar o encontro igual de esperanzados que estamos
agora, fronte a un rival forte e veterano, que xoga moi ben ao pivote”. *
**
*O salmantino adiantouse a agradecer o apoio da bancada de Vista Alegre na cita:
“A de Burela é unha das mellores afeccións de España, unha afección intelixente,
que se mantén sempre fiel, ás duras e ás maduras. Estou seguro de que mañá nos
estará apoiando coma dende o primeiro día” dixo Dani Martín. *
Á convocatoria de André, Purao, Ique, Juanma, Dani Martín, Christian, Iago
Barro, Víctor López, Bebeto e Iago Míguez, únense Brais, recuperado dunha
contractura, e o meta Javi Fajardo, do Concello de Trabada FS. Quique García non
poderá contar con Clebinho, sancionado con dous partidos de suspensión por
“dirixirse a un dos colexiados en termos de desconsideración” a semana pasada en
Murcia. Tampouco poderá xogar por amoestación dun encontro Cabinho, o máximo
artilleiro dos andorranos, con 14 dianas.
En terras pirenaicas o marcador caeu do lado local, con 6-3.
**
*Festa Laranxa. *A base burelista abrirá a Festa Laranxa, antes do asubío
inicial, brindando os títulos de campión alevín e subcampión benxamín no recente
Trofeo de Reis Cidade da Coruña. Durante o descanso, o público de Vista Alegre
tamén poderá gozar dunha exhibición da escola mariñá de ximnasia rítmica Porta
Norte.
*O encontro poderá seguirse en diferido en Marca TV o _sábado, a partir das
13.00 horas_.*
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
