Nota de prensa
HORACIO CUPEIRO FIXO UN BALANCE MOI POSITIVO DAS XORNADAS SOBRE OBSERVACIÓN DE AVES, QUE SE DESENVOLVERON A PASADA FIN DE SEMANA EN RIBADEO. AS DELEGACIÓNS DE TURISMO E MEDIO AMBIENTE XA ANUNCIAN UNHA SEGUNDA EDICIÓN PARA O VINDEIRO ANO.
Ribadeo, 30 de xaneiro de 2012. O concelleiro de Medio Ambiente, Horacio Cupeiro, fixo un balance moi positivo das xornadas sobre observación de aves, que se desenvolveron a pasada fin de semana en Ribadeo. As Delegacións de Turismo e Medio Ambiente xa anuncian unha segunda edición para o vindeiro ano.
Cupeiro sinalou que “estamos moi contentos pola asistencia de xente, tanto veciños de Ribadeo coma xente chegada doutros puntos. Á Casa das Letras a escoitar a conferencia sobre os humedais acudiron medio cento de persoas e despois á visita á ría foron o domingo 25 persoas, e outras 15 fixérono o sábado. Aínda que esta actividade estaba programada para o domingo ao asistir tanta xente fixemos dous grupos, un por día”.
O edil nacionalista lembrou que “na xornada de divulgación dos humedais participou o vicerreitor da Universidade de Santiago de Compostela, Pablo Ramil Rego, e a súa exposición foi espectacular. Dixo que a ría de Ribadeo é das mellor conservadas de Galicia e tamén falou das aves, que debido á mellora do tempo veñen cada vez en menor cantidade, e algunhas xa se quedan aquí a pasar o inverno e non van nin a Doñana nin a África en busca de temperaturas máis suaves. Da excursión a xente veu moi contenta, vimos unha cantidade de aves enorme e poidemos divisar a águia pescadora, que estaba enriba do tronco no medio ría. Non a vimos pescando, pero sí que disfrutamos da súa presencia”.
Horacio Cupeiro dixo que “este proxecto foi realizado polas Concellaría de Turismo e Medio Ambiente desde as que queremos agradecer a participación de toda a xente que se deu cita nestas xornadas. Temos intención de repetilas o vindeiro ano despois de ver o éxito e a acollida que tivo estes días esta primeira edición”. O responsable de Medio Ambiente agradeceu tamén a presenza dos ornitólogos Enrique Sampedro e Pablo Fernández, “sen cuxa colaboración desinteresada estas actividades non se poderían levar adiante”.
A pretensión do Concello con iniciativas coma ésta “é desestacionalizar a tempada de turismo e a ver si somos capaces de, aproveitando esta riqueza natural que temos da ría de Ribadeo, conseguir que veña xente as fins de semana durante o inverno. A parte da divulgación da nosa ría si lle podemos sacar algún beneficio económico mellor que mellor. Iso é o que pretendemos facer desde as nosas áreas de Turismo e Medio Ambiente”.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
