Nota de prensa
Preto de 1.200 empregados públicos participaron nas accións formativas que impulsou a Deputación en 2011
– O Presidente e o Deputado de Xestión Interior entregaron este luns no Pazo de San Marcos os diplomas ós participantes no Plan de Formación 2011
– Máis do 30% das accións formativas centráronse na informática e nas novas tecnoloxías. O programa incorporou ademais, xornadas específicas para bombeiros ou policías
O Presidente da Deputación, José Ramón Gómez Besteiro, e o Deputado de Goberno Interior, Miguel Ángel Sotuela, entregaron este luns no Salón de Actos do Pazo de San Marcos os diplomas acreditativos de asistencia e aproveitamento ós participantes nas 41 accións formativas (38 delas on line) que impartiu o pasado ano o organismo provincial. 1.192 empregados públicos que prestan servizo tanto na institución provincial coma nos Concellos lugueses se beneficiaron dos cursos.
Foron en total 1.200 horas de formación, das que máis do 31% se repartiron en 13 cursos centrados en materias relativas á informática, que reflicte o obxectivo dos responsables provinciais de acadar a total implantación da e-administración nos 49 Concellos lucenses que se sumaron ó programa Innova-TE, co financiado con fondos europeos, e grazas ó cal os veciños poderán ter acceso a unha administración aberta 24 horas os 365 días do ano. Para isto, é de vital importancia que os traballadores da administración local sexan os primeiros en formarse en novas tecnoloxías.
Unha formación que responde ás demandas actuais
Ademais das novas tecnoloxías, destacou a formación específica para determinados colectivos, como os de policías ou bombeiros. A eles foron destinadas máis de 250 horas de coñecementos teóricos, recibidas nas instalacións das Aulas de Formación da Deputación, e prácticos, xa que grazas á colaboración entre a institución provincial e o Concello de Lugo puideron realizar prácticas de rescate en accidentes de tráfico nas instalacións do Parque Municipal de Bombeiros.
A oferta de formación no 2011 completouse con outros cursos cuxo contido responde ás demandas actuais: o papel das TIC na Administración, a inserción sociolaboral de persoas desempregadas, a aplicación práctica da Lei de Contratos do Sector Público ou sobre o plan de ordenación do litoral.
Descentralización de oferta formativa
Tendo en conta que esta oferta está dirixida ós traballadores da administración local de toda a provincia, estes cursos se celebraron nas renovadas instalacións das aulas formativas do pazo provincial, pero tamén se desprazaron cara outros puntos da provincia, co fin de achegar estas xornadas ó maior número de traballadores.
Os empregados públicos da Mariña puideron acudir en Viveiro a xornadas coma “Curso de perfeccionamento e actualización do profesorado do Conservatorio de Música. Módulo de coñecementos Constitucional e Administración”, “Aplicación práctica do coñecemento administrativo ás Entidades Locais”, “Redacción de documentos administrativos” e “Trastornos da conduta na infancia”. Na zona sur da provincia, Monforte centralizou a oferta formativa, coa celebración de “EBEP: xestión do cadro de persoa e dos postos de traballo. Implantación da carreira profesional. Avaliación do desempeño. Negociación colectiva”.
Dende a Deputación xa están perfilando a oferta deste ano, para a que están traballando de cara a mellorar en aspectos como aumentar a especificidade das propostas formativas, atendendo a temáticas menos xeneralistas que teñan en conta as realidades de cada contexto e promover un axuste máis directo de tempo/contidos, aumentando a carga práctica nos cursos, sobre todo nos de carácter máis técnico.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
