Nota de prensa
O PP de Mondoñedo pediralle ao grupo de goberno que dea conta en pleno da execución das obras acometidas no entorno da catedral
O PP mindoniense critica a idoneidade desta inversión e os trastornos ocasionados durante a execución das obras
As obras que se comprometeron acometer como “melloras” por parte da empresa adxudicataria foron o criterio practicamente determinante de que resultada elixida para a realización das actuacións
Os negocios do centro histórico están a sufrir perdas ocasionadas polas reformas, xa que os cambios están a ocasionar unha situación complexa na circulación de vehículos e peóns
O Concello investirá 1.100.000 euros nunha zona que xa fora remodelada con anterioridade e mantíñase nun decente estado de conservación
Mondoñedo, 20 de xaneiro de 2012.- O Partido Popular de Mondoñedo criticou dende o inicio a obra de reordenación dos espazos públicos do entorno da catedral, rúa da Fonte e Praza do Seminario xa que os trastornos ocasionados durante a execución agravaron a situación. Agora o grupo local quere controlar o diñeiro o diñeiro invertido na mesma, especialmente o comprometido pola empresa para executar as melloras (actuación non obrigadas por proxectos pero comprometidas a realizar pola empresa adxudicataria)
Dado isto, O Partido Popular de Mondoñedo manterá unha actitude “rigorosa, estrita e crítica” no control de diñeiro que a empresa adxudicataria da obra de reordenación dos espazos públicos do entorno da catedral, ten vertido no proxecto de adecuación da zona, en concreto, na rúa da Fonte, na Fonte Vella e na Praza do Seminario. Para elo, o grupo popular pediralle ao goberno municipal que dea conta en pleno da relación de melloras, xunto coa súa correspondente valoración e certificación dos técnicos correspondentes, que se están a executar ou se levarán a cabo nesta localización.
O Partido Popular rexistra esta iniciativa conscientes de que as obras que están na piques de rematar son obxecto de múltiples críticas xa dende o seu inicio. O estrito control ben incentivado en boa medida pola repulsa que provocou a adxudicación das obras á oferta presentada por unha empresa desvinculada coa comarca e que despraza así a outras empresas que dan postos de traballo na zona.
Segundo traslada a portavoz do grupo popular, Elena Candia, as actuacións de renovación de servizos, pavimentación e reordenación dos espazos mencionados conlevaron, dende o inicio das obras, perdas económicas aos comercios das zona “das que non logran sobrepoñerse”. Esta situación acrecéntase a raíz das obras que dificultan a circulación de vehículos e de peóns. Un problema que se agrava coa inexistencia de zonas de estacionamento para os vehículos, xa que tal e como afirma a portavoz local, Elena Candia, a día de hoxe, dende o goberno local “non se lle deu resposta as ubicacións dos futuros aparcadoiros, no caso de levar a cabo estas adecuacións”.
Esta primeira fase do proxecto de ordenación do entorno da catedral ten reservada unha partida de 1.100.000 euros que se están a canalizar nun entorno, segundo explica Elena Candia, “cun aínda razoable estado de conservación” e cuxas beirarrúas foran remodeladas “recentemente”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
