Nota de prensa
NO PLENO ORDINARIO DO VINDEIRO LUNS A ALCALDÍA PROPORÁ DEIXAR SEN EFECTO O INCREMENTO DO IBI PREVISTO PARA ESTE ANO, QUE FORA APROBADO NUNHA SESIÓN O PASADO MES DE NOVEMBRO. A DECISIÓN VEN MOTIVADA POLA SUBA MARCADA DESDE O GOBERNO DO ESTADO PARA ESTE IMPOSTO, QUE NO CASO DE RIBADEO CHEGARÁ ATA O 10%.
Ribadeo, 12 de xaneiro de 2012. No pleno ordinario do vindeiro luns, 16 de xaneiro, a Alcaldía proporá deixar sen efecto o incremento do IBI previsto para o 2012, aprobado nunha sesión o pasado mes de novembro. A decisión ven motivada, segundo Fernando Suárez, pola suba marcada desde o goberno de Estado para este imposto que terán que aplicar todos os Concellos.
Hoxe reúnense as comisións informativas nas que se analizan os asuntos que se debatirán no pleno do luns. Suárez Barcia dixo que “no vindeiro pleno ordinario que terá lugar a semana que ven son dous os puntos máis importantes. Un deles é unha pequena modificación das bases das axudas para os áreas de rehabilitación integral tanto do casco vello de Ribadeo como de Rinlo, onde a máxima porcentaxe subvencionable pasa do 80 ao 75%, aínda que se mantén unha contía máxima de 10.000 euros por actuación. É algo que ven dado por unha disposición autonómica e non nos queda outra que aceptar”.
O alcalde explicou que “a cuestión máis importante é unha proposta da Alcaldía de revocación dun acordo do último pleno ordinario onde propuxemos o incremento do IPC no IBI (imposto de bens inmobles) deste 2012. Naquela sesión plantexamos esa suba do 3’8%, pero agora queremos deixar sen efecto este acordo porque sobre o IBI lexislou o goberno do Estado hai moi poucos días. Trátase dunha modificación legal de carácter obrigatorio para os Concellos pola que vai subir o IBI en concellos coma o noso, no que temos unha ponencia catastral moi antiga, un 10%”.
Suárez Barcia subliñou que “non queremos gravar en demasía e non queremos xunto co incremento obrigatorio por parte do Estado do 10% acumular o noso 3’8%. Deixaremos sen efecto a nosa suba, que era moito máis comedida, moito máis simple e agora aplicaremos, como o resto dos Concellos, o que nos obrigan desde o goberno do Estado. Como non queremos que sexan acumulativas as dúas subas revocamos o noso acordo para aplicar só o que nos marca o goberno do Estado”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
