Nota de prensa
Gómez Besteiro acordou modificar o Regulamento de Honras
e Distincións para a retirada dos títulos da provincia a Franco
– O Presidente presentou na Xunta de Voceiros unha proposta de modificación baseada na aplicación da Lei da Memoria Histórica, na igualdade de xénero e na adaptación ó galego
– A iniciativa de Besteiro, que non necesitaba do apoio unánime senón dunha maioría para tramitarse, levarase ó vindeiro Pleno, logo exporase ó público e aplicarase na primavera
– Isto permitirá ó Goberno provincial despoxar dos títulos da provincia ó dictador, á Falangue e a Pilar Primo de Rivera logo de que o impedise o PP na pasada sesión plenaria
O Presidente da Deputación, José Ramón Gómez Besteiro, presidiu este xoves a reunión extraordinaria da Xunta de Voceiros que se celebrou no Salón de Xuntas do Pazo de San Marcos e na que tamén participaron Manuel Martínez (PSOE), Mario Outeiro (BNG) e Jesús Carreira (PP). Trátase dun encontro no que, a proposta de Gómez Besteiro, se abordou a modificación do Regulamento de Honras e Distincións da institución para actualizar e modernizar dita normativa pero, principalmente, co obxectivo de que prospere a retirada de títulos da provincia a Franco, á Falange e a Pilar Primo de Rivera que, dende 2009, tenta o Goberno provincial e que, ata hoxe, frustrou o Partido Popular. Para elo, o Presidente presentou na sesión unha proposta baseada na aplicación da Lei da Memoria Histórica, na igualdade de xénero e na adaptación ó galego, que contou co apoio dos voceiros socialista e nacionalista, así como da abstención do representante do Partido Popular.
Ó final da xuntanza, Gómez Besteiro avanzou que “temos unha proposta que xa irá ó Pleno deste mes, unha proposta favorable no sentido de que PSOE e BNG votaron a favor da mesma, mentres que o PP se abstivo, feito que non quere dicir nada. Eu aínda espero, sinceramente, que o Partido Popular vote a favor desta modificación na próxima sesión plenaria”. Deste xeito, tal e como anunciou o Presidente, esta proposta de modificación do Regulamento de Honras e Distincións, que non necesitaba da unanimidade da Xunta de Voceiros para iniciar a súa tramitación e facerse realidade ó ser suficiente unha maioría, será levada ó vindeiro Pleno. Posteriormente, exporase ó público para posibilitar a presentación de posibles alegacións ó respecto, permitindo a súa aplicación na primavera.
O titular provincial tamén explicou “que esta proposta basease en 3 aspectos fundamentalmente. Primeiro, establécese unha vinculación más directa coa Lei da Memoria Histórica. É dicir, no caso de que entre en confrontación con este normativa, regularase en base ó réxime de maioría e, polo tanto, non será necesaria a unanimidade. Segundo, cámbianse todas aquelas expresións que non son conformes coa normativa de igualdade de xénero. Finalmente, adecuase a nosa lingua. Temos todos os texto adaptados ó galego e esta non podía ser unha excepción. En definitiva, modificamos o Regulamento que nos permitirá retirar os títulos, previsiblemente, na primavera”.
Modificacións propostas por Besteiro
A iniciativa do Presidente conleva as seguintes modificacións:
1º CAMBIO: Ó artigo 15.1, que dicta “Todos los honores y distinciones contenidos en este Reglamento, cualesquiera la fecha en que hubiesen sido concedidos, podrán ser rebocados mediante procedimiento de revisión de oficio y acuerdo del órgano ejecutivo otorgante en la misma proporción mantenida para su concesión, cuando por cualquier circusntancia suficientemente motivada los beneficiarios desacrediten el honor o distinción conferida”, engadirase o seguinte: Exceptuarase desta regra aqueles supostos nos que así veña disposto na normativa de aplicación, e en concreto, no establecido na Lei 52/2007 do 26 de decembro: Lei de Memoria Histórica, en cuxo caso se estará ó réxime xeral de maiorías. É dicir, xa non será necesaria a unanimidade senón que será suficiente unha maioría para a retirada do título de Presidente de Honra da Deputación e da Medalla de Ouro a Franco, distincións que lle foron concedidas en 1944 e 1958 respectivamente, así como para que a Sección Feminina, o Fronte de Xuventudes da Falange e Pilar Primo de Rivera non conservan as súas Medallas de Ouro.
2º CAMBIO: Ó artigo 15.5, que versa “El alcance de las normas y disposiciones recogidas en el presente Reglamento queda limitado al ámbito de la provincia y sometido a la legislación vigente de rango superior, incorporándose al mismo aquellas disposiciones de superior jerarquía que se promulguen y afecten a su contenido”, engadirase: En especial ó idioma e á igualdade de xénero, sen que para iso sexa precisa a tramitación do procedemento de modificación do presente Regulamento. Isto conleva a tradución da totalidade da normativa de Honras e Distincións da Deputación ó galego.
3º CAMBIO: Ó artigo 13.4, que dice “Los diputados/as, por su parte, ostentarán como atributo a la representación de su cargo, una Medalla específica. Será idéntica a la de Presidencia, pero en anverso orlando al pie con la inscripción: Diputado”, engadirase ó final ou Deputada.
4º CAMBIO: Dando cumprimento á normativa aprobada pola Xunta, concretamente ó Decreto nº 76/2009, que afecta á bandeira da institución, substituirase o último párrafo do artigo 13.2 por “pano dividido en dúas franxas horizontais de azul e de vermello. No pano delimitado polos terzos vertical e horizontal do centro: sobre a franxa de azul, un cáliz de amarelo sumando da sagrada forma radiante da mesma cor, flanqueado por dous anxos orantes en cada lado sobre nubes e enfrontados de branco; e sobre un pano vermello, unha torre torneada de branco flanqueada por dous leóns enfrontados de amarelo.
Negativo do PP
O Goberno provincial iniciou o proceso da retirada de mencionados títulos en 2009, coincidindo coa Lei de Memoria Histórica, e contou sempre coa abstención do Partido Popular. Deste xeito, hai 3 anos, os populares abstivéronse na votación ó respecto do inicio deste proceso administrativo, feito que non impediu que continuase a súa tramitación. No pasado e último Pleno de 2011, no mes de decembro, o PP mantivo a mesma postura impedindo, agora si, a súa continuidade debido o que, na actualidade, dicta o artigo 15.1 do Regulamento de Honras e Distincións da Deputación. Ante esta situación, o Presidente viuse na obriga de realizar un profundo estudo desta normativa para atopar alternativas legais que permitisen, dunha vez por todas, a retirada de honras da provincia ó dictador, así como á seccións ou representantes do franquismo, co obxectivo de rematar con calquera vestixio dun réxime que deixou na provincia unhas 5.000 víctimas. Agora, unha vez realizada esta complexa modificación e malia contar, unha vez máis, coa abstención do PP na xuntanza de hoxe, o Goberno provincial poderá, finalmente, retirar estes títulos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
