Nota de prensa
O BIPARTITO BURELÉS DEIXOU EN XUÑO DE 2011 FACTURAS PENDENTES DE PAGO POR IMPORTE DE CÁSEQUE DOUS MILLÓNS DE EUROS. OS SOLDOS BRUTOS DAS DEDICACIÓNS DO BIPARTITO EN 2010 FORON DE 94.440 EUROS MENTRAS QUE OS DAS DEDICACIÓNS DO PP EN 2012 SERÁN DE 85.999 EUROS.
Burela, 27 de xaneiro de 2012. O equipo de goberno do PP asegurou onte no pleno ordinario celebrado en Burela que o bipartito burelés deixou en xuño de 2011 facturas pendentes de pago por importe de cáseque dous millóns de euros, concretamente 1.965.736’89 euros. “O PSOE non é quen para dar leccións de aforro e de contención do gasto”, aseguraron desde o equipo de goberno popular.
Estes datos e estas manifestacións están referidas a unha moción presentada polo PSOE sobre redución de soldos, dietas, etc. Para os populares, “non se pode nin se debe facer demagoxia neste senso, máxime cando en 2010 as retribucións brutas para dúas dedicacións exclusivas e unha parcial (que fan un total de 85 horas semanais) ascendían a 94.440’93 euros; en cambio, as retribucións brutas para as tres dedicacións exclusivas (105 horas semanais) durante o 2012 serán de 85.999’96 euros, é dicir 8.441 euros menos co PP. Menos cartos para o actual equipo de goberno por máis horas de traballo. Así é como se aforra”.
Ademais, os populares criticaron as referencias que fixo o PSOE sobre as dietas, e tiraron de datos, “Alfredo Llano cobrou de dietas por desprazamentos 1.728’86 euros en 2010, e 2.075’85 euros en 2011, desde xaneiro hasta que houbo o cambio de goberno. Desde o PP, durante os catro anos de bipartito, nunca criticamos o cobro de dietas, porque entendíamos, e seguimos entendendo, que as viaxes para facer xestións hai que facelas, a ninguén lle veñen traer nada á casa”. Os populares tamén criticaron a proposta do socialistas “por interesada: falan de baixar soldos e dietas, pero non falan nada de baixar outras percepcións que eles sí perciben”.
Por outra banda, os votos do PP, coa abstención de PSOE e BNG, serviron para aprobar unha moción de urxencia presentada polos populares sobre reformulación do sistema actual do sistema de cotas pesqueiras. O alcalde, José María González Barcia, indicou que “acababa de ter previamente ao pleno unha reunión co sector, para preparar as Xornadas de EXPOMAR do presente ano, e o sector está realmente preocupado polo sistema actual de cotas, que perxudica ao mundo do mar burelés”. O alcalde engadiu que “o equipo de goberno nunca se poñerá de perfil ante os problemas do sector pesqueiro, por eso tanto o Grupo Mixto como o PSOE deben explicar por que non apoian esta iniciativa”.
O equipo de goberno destacou a aprobación por unanimidade da ordenanza que regula o uso das tarxetas de estacionamento para as persoas con movilidade reducida, pactada, segundo a concelleira de Servicios Sociais, Diana Durán García, “coas organizacións que aglutinan a estas persoas”.
Finalmente, PP e PSOE votaron a favor da aprobación do I Programa de Integración Municipal, que contou coa abstención do Grupo Mixto. Desde o equipo de goberno popular quixeron mostrar o seu agradecemento a todas as persoas e colectivos que traballaron para elaborar o indicado programa.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
