Nota de prensa:
A deputada do Grupo Popular, acompañada do voceiro do PP en A Fonsagrada e o alcalde de Baleira reuníronse esta mañá co director xeral de Conservación da Natureza, Ricardo García Borregón
EMMA ÁLVAREZ ASEGURA QUE O PLAN DIRECTOR DA REDE NATURA 2000 FACILITARÁ A CONSTRUCCIÓN DE INSTALACIÓNS AGRÍCOLAS, GANDEIRAS E FORESTAIS
Santiago, 27 de xaneiro de 2012.- A voceira de Conservación da Natureza do Grupo Popular, Emma Álvarez Chao, acompañada do voceiro do Partido Popular no Concello de A Fonsagrada, Tobías Martínez Cotarelo, e o alcalde de Baleira, Francisco Acal, reuníronse esta mañá en Santiago co director xeral de Conservación da Natureza, Ricardo García Borregón, co obxectivo de coñecer de primeira man como afecta a ampliación da Rede Natura 2000 a este concello lucense, así como os usos permitidos dentro deste territorio.
Álvarez Chao anunciou que presentará unha proposición non de lei no Parlamento galego demandando á Xunta a aprobación do borrador do Plan Director da Rede Natura 2000 no que se equipara o solo rústico de protección de espazos naturais co solo rústico de protección ordinaria recollido na Lei do Solo para facilitar a construcción de instalacións agrícolas, gandeiras e forestais, ou de instalacións vinculadas ás estradas e gasolineiras nas zonas definidas no citado Plan como de conservación e usos xerais.
TRANQUILIZAR AOS VECIÑOS
Diante das declaracións realizas en días pasados polo presidente da Deputación de Lugo e o alcalde de A Fonsagrada sobre unha suposta prohibición para construír instalacións agrícolas e apícolas de apoio á gandería extensiva e intensiva, gasolineiras ou explotacións forestais, Emma Álvarez Chao, Tobías Martínez e Francisco Acal desprazáronse a Santiago para coñecer a situación real na que quedará este concello coa aplicación do Plan Director da Rede Natura 2000 “e poder tranquilizar aos veciños ante as informacións irreais que se están a difundir estes días, xa que queda garantido que nos espazos da Rede Natura 2000 fomentaranse as actividades e usos tradicionais, tal e como di o Plan Director e en consonancia coas normativas europeas”.
Neste sentido, o director xeral de Conservación da Natureza explicou que, se ben é certo que o artigo 39 da Lei do Solo permite, con carácter excepcional, aos concellos con máis do 40 por cento da superficie en Rede Natura usos prohibidos para os solos rústicos de protección de espazos naturais (SRPEN), o Plan Director da Rede Natura 2000 de Galicia que a Xunta está a tramitar neste momento establece, en función dos valores naturais a protexer, unha zonificación e un réxime de usos autorizables por zona que matiza as citadas limitacións da Lei do Solo.
EXCEPCIÓNS
Deste xeito, non toda a superficie clasificada como SRPEN ten un mesmo valor de conservación e, polo tanto, pasarían a estar permitidos ou autorizables para todos os concellos, independentemente da porcentaxe de superficie destes municipios que se atopa en Rede Natura, usos como construccións e instalacións agrícolas, de apoio á gandería extensiva ou intensiva, construccións e instalacións forestais ou instalacións vinculadas a estradas ou gasolineiras.
Esta medida equipara os usos permitidos na zona de conservación e na zona de uso xeral cos usos permitidos nos solos rurais de protección ordinaria. Estas zonas representan en torno a un 90 por cento da Rede Natura galega.
Desta maneira, os concellos de A Fonsagrada e As Nogais non terán por que ver incrementada a súa porcentaxe de espazo en Rede Natura, como están a pedir os socialistas tanto na Deputación Provincial como no concello, xa que se verían beneficiados por estas excepcións para o desenvolvemento dos sectores gandeiro, agrícola e forestal, do mesmo xeito que os demais municipios galegos.
Dada a importancia deste asunto para estes concellos da montaña lucense, Emma Álvarez anunciou a presentación dunha proposición non de Lei no Parlamento galego para que a Xunta axilice a tramitación do Plan Director da Rede Natura 2000 e se aprobe conforme está redactado na actualidade, de xeito que todos os municipios galegos poidan gozar desta excepción para facilitar o asentamento da poboación no rural.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
