Nota de prensa:
O Grupo Municipal Socialista fai un repaso das súas intervencións no Pleno Ordinario do pasado xoves.
No pleno municipal celebrado o pasado xoves no Concello de Foz, o grupo Socialista presentou unha moción para instar a Xunta de Galicia o apoio ao Centro de Recría na Granxa Gaioso-Castro unha iniciativa na que xa levan xa investidos mais de 6.000.000 de euros e que permitirá os nosos gandeiros a recría da súas reses en Galicia sen ter necesidade de facelo fora da Comunidade, como esta sucedendo na actualidade en moitos casos. O Alcalde de Foz, Sr Castiñeira alegou que si a Deputación non tiña cartos non se meterá a facer estes programas e así non tería que andar pedindo que lle axudase a Xunta. Ao que o Sr. Val Alonso, Concelleiro Socialista, contestou que parecía mentira que o PP non quixera axudar a algo tan importante e vital para economía dos gandeiros nestes momentos tan difíciles; e que a Deputación contaba con presuposto para continuar con este proxecto. A moción quedou aprobada na votación cos votos a favor do PSOE, UNIFOZ e BNG; o PP votou en contra.
O PSOE tamén presentou una moción para solicitar a retirada da subida do IBI aos cidadáns por parte do Goberno do Sr.Rajoy. O Portavoz Socialista, Sr.Rivera, manifestou o seu descontento coas políticas económicas, que esta tomando o Goberno Central, considerando que o Sr Rajoy enganou e mentiu cando dixo que non ía a subir os impostos e co pronto esas palabras se volveron papel mollado, boa mostra desto é subida da Contribución Urbana e Rústica, IBI, que e unha carga moi grande, a liña de flotación de moitas familias, posto que a subida chega nalgúns casos a mais do 10%. O Alcalde díxolle o Sr.Rivera que o Catastro de Foz levaba tempo sen actualizarse e que se tiña que facer esa actualización, ao Sr.Rivera contestou, que non o vía necesario, debido que os veciños de Foz xa pagaban o que debían de pagar e que nestes momentos non se deberían gravar con mais impostos mais as economías familiares, maxime cando os gobernantes do PP en menos de dos meses conxelaron o salario mínimo interprofesional, subiron o IRPF, a auga, as cotas das escolas infantís e todo tipo de taxas. Esta moción foi aprobada cos votos a favor de PSOE, UNIFOZ e BNG, sendo votada en contra polo PP
No apartado de rogos a Sra Pérez Gradaille, concelleira socialista, transmitiu a petición do Consello Escolar do CEIP Nº 1 solicitando que se coloquen unhas portas novas pois as existentes están todas apolilladas.
Pediuse o Alcalde Sr. Castiñeira, e visto que na campaña electoral dicía, por activa e por pasiva, que o anterior Alcalde de Foz Sr. Rivera prometera ao Asilo una cantidade anual de 30.000€ e non daba crédito a que esa asignación fose soamente por un ano concreto, rógaselle que lle entregue logo ao asilo, e según o seu criterio eses 30.000€ dos que tanto falou, porque teñen problemas de calefacción e hai queixas.
Como último rogo, díxose que era triste ter que escoitar día si e día tamén o Sr Castiñeira que non hai cartos e incluso negalos a algunha asociación, para despois e por primeira vez na historia, ir dúas persoas a FITUR cando sempre acudía soamente o Alcalde en representación do Concello, rogamos tomen nota e nestes momentos complicados o que debemos é apoiar as familias con problemas e deixarnos de outras historias.
O Sr. Rivera preguntou si xa estaba, a zona do calvario, rozada e reparado o seu firme debido as deficiencias encontradas nesta rúa. A resposta foi, estase neso.
Preguntouse cal era o motivo que na rúa Illa Nova se saquen árbores e céspede e se coloque cemento. Sendo a resposta algo increíble, pois dixo o Sr Castiñeira, que esa Rúa non se coidaba xa cando Rivera era alcalde e a maiores os cans facían alí as cacas. Rivera manifestou o seu enfado e díxolle o rexedor que iso era mentira, e que debía de ser consecuente e coidar o medio ambiente e non cementar o que antes era natureza.
A última pregunta de Rivera foi para saber por que non se nomeou persoal de limpeza de garda para o domingo día 22 ,Festa do berberecho, para recoller todos os desperdicios tirados no Paseo da Rapadoira. Resposta nunca hai servicio de barrendeiros os domingos e que antes tampouco había. Rivera manifestou que iso non era certo que antes os domingos sempre había un retén e que daba pena ver como estaba todo abandonado dando una imaxe nefasta da nosa Vila.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
