Nota de prensa
José Manuel Balseiro defende que esta cuestión debe abordarse no marco da reforma da Política Pesqueira Común, actualmente en pleno debate
O GRUPO POPULAR RECLAMA SUPERAR O ACTUAL SISTEMA DE COTAS PESQUEIRAS E QUE SE REFORMULE A APLICACIÓN DO PRINCIPIO DE ESTABILIDADE RELATIVA
Propón que a Xunta elabore un estudo sobre a problemática que suporía manter a estabilidade relativa no reparto de cotas e pide a Mar que desenvolva todas as medidas políticas, xurídicas e incluso xudiciais que estime oportunas para mellor defensa dos intereses da nosa flota
Burela, 26 de xaneiro de 2012.- O voceiro do Mar do Grupo Parlamentario Popular, Jose Manuel Balseiro, defendeu a necesidade de superar o actual sistema de asignación de cotas pesqueiras entre países -o coñecido como principio de estabilidade relativa-. O parlamentario pediu á Xunta que non escatime recursos neste obxectivo e loubou o compromiso adquirido pola propia conselleira do Mar, Rosa Quintana, quen adiantou que estaría disposta a chegar ata as últimas consecuencias en defensa dun novo modelo pesqueiro.
Así o explicou hoxe o voceiro do Mar nunha rolda de prensa ofrecida xunto á deputada Emma Álvarez, o alcade de Burela, Jose María González Barcía e aos portavoces do Grupo Popular en Viveiro, César Aja e na Deputación de Lugo, Elena Candia. Nela explicaron que a súa formación política rexistrará sendas iniciativas, nos concellos, Parlamento e Deputación, reclamando á Xunta que se dote do maior número posible de argumentos para avalar esta petición diante das institucións aproveitando que estamos en pleno proceso a reforma da Política Pesqueira Común.
A iniciativa do Partido Popular instá á Xunta a elaborar un estudo xurídico e socioeconómico en relación coa incidencia que no conxunto da flota pesqueira tería o mantemento da estabilidade relativa. Ao mesmo tempo pide a Xunta que -co apoio decidido da Deputación lucense- desenvolva todas as medidas políticas, xurídicas e incluso xudiciais en defensa dos intereses da nosa flota e dirixidas a acadar unha reformulación da aplicación da estabilidade relativa na nova normativa comunitaria.
EFECTOS NEGATIVOS
Balseiro explicou que nos últimos anos a aplicación do principio de estabilidade relativa no reparto de cotas vén de producir resultados moi negativos e precisa de ser actualizado. De feito, a flota pesqueira galega viuse especialmente afectada pola asignación dun número insuficiente de posibilidades de pesca, que poderían corrixirse -polo menos en parte- de aplicarse outros criterios como o de esforzo pesqueiro.
A reformulación do principio de estabilidade relativa traería tres posibles beneficios: Primeiro, facilitaría tamén o intercambio de cotas entre empresas pesqueiras de distinta nacionalidade. Segundo, practicamente eliminaría os coñecidos como descartes daquelas especies respecto das que xa se teñen superado a cota límite de capturas. E terceiro reduciría a deslocalización de moitas empresas pesqueiras que teñen que acudir a terceiros países para poder seguir desenvolvendo a súa actividade, o que contribuiría a fixar emprego e actividade económica en Galicia.
GALICIA DEBE LIDERAR ESTE PROCESO
Balseiro lembra que Galicia é unha comunidade na que a pesca é un sector estratéxico e fundamental tanto desde o punto de vista económico como pola multitude de vilas, pobos e comunidades pesqueiras e de aí que sexa quen lidere estas peticións. “É básico, necesario e imprescindible dar a batalla en todos os ámbitos na defensa daquelas cuestións que poidan favorecer aos intereses da nosa nosa flota, que son, os intereses de Galicia”.
Desde o punto de vista práctico, a reformulación do principio de estabilidade relativa sería especialmente beneficiosa para portos pesqueiros como Burela ou Celeiro -dado a importancia que nela ten a flota de Gran Sol- e sería positivo en xeral para o conxunto do sector pesqueiro, desde o ámbito meramente estrativo ata por extensión o conxunto das industrias de distribución de peixe.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
