Nota de prensa 1/2
Na reunión celebrada esta tarde (martes, 24 de decembro de 2012) no consistorio de Mondoñedo na que participaron o Conselleiro de Industria, Javier Guerra; membros do comité de empresa de ECAR-FINSA e representantes da corporación municipal puxéronse sobre a mesa varias alternativas ante o peche da factoria mindoniense. En palabras do alcalde de Mondoñedo, Orlando González “O conselleiro foi claro e non creou falsas expectativas, algo que é moi de agradecer”.
O Conselleiro informou sobre as xestións realizadas perante FINSA para evitar o peche da fábrica logo de varias reunións e deixou claro que non hai marcha atrás, que é unha decisión meditada, que non se trata de que busquen axudas económicas por parte da administración senón que a decisión do peche é unha estratexia empresarial. A pesar da dura realidade o Conselleiro comprometouse a mediar coa Consellería de Traballo para intentar que o ERE de ECAR deixe de ser de extinción para convertirse nun de suspensión.
Entre as alternativas que se plantexaron destaca a posibilidade de que os empregados da factoría se organicen nunha cooperativa ou fórmula similar para continuar coa xestión da empresa para o cal a consellería poría medios técnicos e económicos, con axudas que poderían alcanzar o 50% das inversións. Este apoio non se reduce unicamente aos traballadores da factoría senón que se algún outro emprendedor dedice iniciar algún tipo de actividade industrial na zona tamén se podería beneficiar delas.
Os obreiros de ECAR fixaron para mañá unha asemblea xeral de traballadores na que tratarán, entre outros temas a posibilidade de autoxestionar a fábrica.
Tamén se decidiu a creación dunha comisión integrada polo alcalde de Mondoñedo, portavoces municipais e técnicos da Consellería para facer un seguimento da situción e buscar medidas compensadoras ante a perda de tantos postos de traballo. Esta comisión reunirase o vindeiro luns na Casa do Concello de Mondoñedo ás doce do mediodía.
Polo que respecta a outras alternativas compensadoras para a zona, como por exemplo a de creación dunha residencia de anciáns en Mondoñedo o conselleiro informou que non están dentro das súas competencias, pero que a comisión que se vai crear pode contemplar esta iniciativa igual que calquera outra que poda xurdir.
Antes do inicio da reunión, centenares de mindonieses así como veciños de localidades próximas entre os que destacaba un grupo de traballadores da empresa Hermida de Lourenzá congregáronse ás portas da Casa do Concello de Mondoñedo en señal de apoio aos traballadores de ECAR e para mostrar unión ante a problemática laboral na comarca.
Nota de prensa 2/2
Javier Guerra anuncia a creación dunha comisión de seguimento na que a Xunta e o Concello de Mondoñedo avancen na busca de alternativas para atraer investimentos á zona
O titular de Economía reuniuse hoxe coa corporación municipal de Mondoñedo e representantes dos traballadores de Ecar e Muebles Hermida
Guerra insistiu en que dende a Consellería estase a facer un importante esforzo na busca de investimentos para a comarca e lembrou que este territorio está incluído no Impulsa Lugo
Javier Guerra salientou que a Consellería mobilizou investimentos en Mondoñedo por importe de máis de 4,3 millóns de euros e 30 empresas mindonienses foron apoiadas nesta lexislatura
Volver
Mondoñedo, 24 de xaneiro de 2011.- O conselleiro de Economía e Industria, Javier Guerra, visitou hoxe o Concello de Mondoñedo no que mantivo reunións coa corporación municipal e con representantes dos traballadores de Ecar e Muebles Hermida, aos que trasladou o apoio da Xunta de Galicia.
Na reunión co conselleiro trasladou “o importante esforzo que se está a facer dende a Xunta de Galicia para atraer investimentos á zona” e acordouse a creación dunha comisión de seguimento na que a Xunta e o Concello poidan colaborar con este fin. O luns será primeira reunión da comisión, e contará con representantes da Consellería, de XesGalicia, do Impulsa Lugo e máis do Concello.
Con respecto a Ecar o titular de Economía salientou que a Xunta está a buscar investimentos que se poidan facer cargo das instalacións coa máxima prioridade posta no emprego e tamén apuntou á posibilidade de que os traballadores se convertan en propietarios da empresa, “aínda que esta alternativa comercialmente resulta mais complicada”, sinalou.
Guerra insistiu en que dende a Consellería farase todo o posible papa buscar proxectos que se poidan instalar no Concello e lembrou que este territorio está incluído no Impulsa Lugo. De feito, o titular de Economía e Industria salientou que a Consellería mobilizou investimentos en Mondoñedo por importe de máis de 4,3 millóns de euros. Deste xeito, un total de 30 empresas mindonienses foron apoiadas na lexislatura.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
