Tres días, tres conselleiros
En tres días A Mariña lucense foi o destino elixido por tres membros do Goberno galego: a conselleira de Traballo e Benestar, Beatriz Mato, o conselleiro de Economía e Industira, Javier Guerra e o titular do departamento autonómico de Presidencia, Alfonso Rueda. Lonxe de ser este un simple feito puntual dá conta do compromiso dos actuais responsables da Xunta de Galicia cunha comarca, que ao igual que o conxunto do país, está a sufrir a impacto e as duras consecuencias da crise.
Desde o Partido Popular temos agradecer a presenza, protagonismo e implicación destes tres altos cargos, e do conxunto do Goberno galego, nestes momentos difíciles. Non só demostran ser plenamente coñecedores e conscientes das necesidades desta comarca -das que nos tamén lles fixemos traslado-, senón que están ao noso carón na idea de presentar proxectos concretos para impulsar distintas iniciativas de apoio, agora cando máis se precisan.
A diferenza do xeito de actuar doutras formacións políticas e cargos públicos da oposición. No Partido Popular nin negamos a crise, nin renunciamos á nosa responsabilidade. Implicámonos na procura de solucións. Non vale o que outros fixeron no pasado. Non se pode combater a crise desde a parálise, nin aplicando as políticas que nos levaron a afundirnos nesta situación. Temos que rexeitar a liña que seguiron socialistas e nacionalistas.
Na Mariña lucense, como no conxunto de España, a prioridade é a creación de emprego e a consolidación da actividade económica e industrial. E tamén o son para estes tres conselleiros, para o conxunto da Xunta e para o seu presidente, como puido transmitirllo Alberto Núñez Feijóo aos propios traballadores de Mobles Hermida cando os recibiu no Parlamento.
Precisamente hoxe o emprego e o mantemento do tecido industrial e empresarial, son os dous ámbitos que están ameazados. Coa apertura de novas infraestruturas de benestar e atención social, coa aposta decidida polo diálogo e o apoio da Xunta para buscar solución ás problemáticas de emprego e coa mellora dos servizos xudiciais, vamos na boa dirección.
Cando o PP lideraba e promovía o pasado mes de decembro unha iniciativa no Parlamento de Galicia que acadaba o apoio unánime do conxunto de forzas políticas e sociais, pedíamos a implicación da Xunta, e do resto das administracións, na posta en marcha dun plan de emprego e dinamización económica. A visita destes tres conselleiros vén a demostrar que estamos dando pasos nesa dirección. Que o actual Goberno da Xunta -e o Partido Popular- dá a cara e a talla en defensa desta comarca, como non podía ser doutro xeito.
Jose Manuel Balseiro Orol
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
