A programación inclúe a inauguración dunha mostra con traballos de edicións anteriores e unha xuntanza o 27 de marzo para compartir novas creacións
Burela, 11 de marzo de 2026. O Concello de Burela, a través da Área de Inmigración, organiza varias actividades arredor do 21 de marzo, Día Internacional contra a Discriminación Racial, co obxectivo de promover a reflexión sobre a diversidade e a convivencia intercultural no municipio.
Dentro desta programación, o venres 20 de marzo ás 18:00 horas inaugurarase na Casa da Cultura unha exposición composta por traballos presentados nas últimas edicións do concurso que se viña celebrando arredor desta conmemoración. A mostra recolle creacións moi diversas realizadas por veciñas e veciños de Burela, con participación de persoas de distintas idades e procedencias.
Entre as obras expostas atópanse pezas de autores e autoras que participaron de maneira habitual nestas iniciativas. Un dos exemplos é o da artista de orixe indonesia Shiva, cuxo traballo xa fora utilizado para o cartaz do pasado ano e que nesta edición tamén se recupera para a imaxe da programación.
Segundo sinalou o primeiro tenente de alcaldesa, Mario Pillado, “con esta exposición queremos tamén recoñecer todo o traballo que moitas persoas de Burela foron realizando ao longo destes anos, porque detrás de cada obra hai unha reflexión e unha mensaxe en favor da convivencia e do respecto”.
Como novidade nesta edición, o Concello decidiu deixar atrás o formato competitivo do concurso para apostar por unha iniciativa máis participativa centrada no intercambio de experiencias. Neste sentido, o 27 de marzo ás 12:00 horas no salón de plenos do Concello celebrarase unha xuntanza aberta á participación de todas as persoas que desexen compartir un traballo relacionado coa diversidade e a loita contra a discriminación racial.
As persoas participantes poderán presentar as súas creacións no formato que desexen, xa sexa físico ou dixital, e realizar unha breve explicación do significado da súa obra. Por motivos de organización, solicítase confirmar previamente a asistencia no Concello, no teléfono 982 586 000 ou no correo integracioninmigrantes@burela.org.
Pillado explicou que esta nova fórmula busca poñer o foco no diálogo e na reflexión colectiva. “Cremos que a diversidade ten máis que ver con compartir experiencias e coñecementos que con competir por un premio”, afirmou.
Ademais destas actividades puntuais, dende a Área de Inmigración lembran que durante todo o ano desenvólvense accións de sensibilización no eido da multiculturalidade, especialmente nos centros educativos do municipio. Entre elas inclúense propostas como a OCA Inmigrante ou encontros con persoas referentes no ámbito das migracións.
Segundo destacou Mario Pillado, “o traballo contra calquera tipo de discriminación é unha tarefa contínua e a educación e a sensibilización son ferramentas fundamentais para construír unha sociedade máis xusta e respectuosa”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
