Nota de prensa
A Deputación achega 19.000 euros para construír un depósito de auga contra incendios que dará servizo ó Val de Lourenzá
– O Presidente avanzou que a construción da infraestrutura, que estará situada no núcleo de San Xurxo e responde a unha solicitude veciñal, comezará en dúas semanas
– O tanque axudará a afrontar dun xeito áxil e eficaz os lumes forestais ou urbanos que se poidan producir en todo o municipio, pero principalmente nas parroquias de San Xurxo, Santo Tomé e Santo Adrao, nas que residen máis de 1.300 veciños
O Presidente da Deputación, José Ramón Gómez Besteiro, avanzou que o organismo provincial iniciará nun prazo de dúas semanas a construción dun depósito de auga contra incendios que dará servizo ó Val de Lourenzá. O organismo provincial executará cun orzamento de 19.000 euros esta infraestrutura, que estará situada na parroquia de San Xurxo e responde a unha solicitude veciñal. O tanque de auga, cunha capacidade de 90 metros cúbicos, axudará a afrontar dun xeito áxil e eficaz os incendios forestais ou urbanos que se poidan producir en todo o Concello, pero principalmente nas parroquias do Val de Lourenzá: San Xurxo, Santo Tomé e Santo Adrao, que agrupan a máis de 1.300 habitantes.
Con esta actuación, Gómez Besteiro cumpre a palabra dada ós veciños de San Xurxo o pasado verán. A Deputación ten redactado e adxudicado o proxecto dende hai seis meses, pero as obras non se puideron iniciar con anterioridade por causas alleas á súa xestión, xa que os veciños estaban á espera de recibir o preceptivo permiso da Confederación Hidrográfica do Norte (CHN) para a captación de auga do río Baos, de onde se nutrirá o depósito contra incendios.
Limpeza de estradas
O titular do Goberno provincial supervisou así mesmo os traballos de limpeza en vías provinciais e municipais que está a acometer o organismo en Lourenzá, unhas labores coas que aforra cartos ó Concello ó evitarlle a contratación dunha empresa externa. En concreto, Besteiro estivo nas Pistas do Monte, en San Xurxo. Para a execución dos traballos, a institución desprazou as máquinas do seu parque móbil, un servizo que o Executivo provincial reorientou en 2007, poñendo a disposición de todos os Concellos lugueses, tanto os medios técnicos, como o persoal deste departamento para o acondicionamento de estradas locais. Deste xeito, hoxe en Lourenzá hai unha motoniveladora, unha pala e un camión, ademais de 3 profesionais que actúan coa colaboración de persoal municipal e en coordinación co Concello. Na actualidade, a Deputación mantén outros equipos no Incio, O Corgo, Sober e Xermade para realizar melloras en vías locais.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
