Nota de prensa
A Deputación difunde en Madrid entre profesionais do medio ambiente o seu modelo de xestión das Reservas da Biofera
– O Presidente inaugurará unhas xornadas que se celebrarán xoves e venres na Universidade Politécnica, nas que se expoñerán as accións de conservación e desenvolvemento que levou a cabo o organismo provincial nestes espazos naturais e as súas perspectivas futuras
– Asistirán estudantes e titulados en ciencias ambientais e biolóxicas, turismo e diversas enxeñerías, e entre os poñentes haberá produtores e artesáns beneficiados polos programas de actuación emprendidos
A Deputación de Lugo difundirá en Madrid entre profesionais relacionados co medio ambiente o seu modelo de xestión das Reservas da Biosfera nunhas xornadas que se celebrarán o vindeiro xoves e venres, días 23 e 24, na Universidade Politécnica. O Presidente, José Ramón Gómez Besteiro, será o encargado de inauguralo seminario técnico, no que se expoñerán as accións de conservación e desenvolvemento que levou a cabo nestes espazos naturais o organismo provincial nos últimos cinco anos e as súas perspectivas futuras. Ó encontro asistirá un centenar de persoas, entre eles estudantes e titulados en ciencias ambientais e biolóxicas, turismo e diversas enxeñerías, e como poñentes participarán os responsables técnicos dos programas que a Deputación levou a cabo, así como produtores e artesáns beneficiados por estas actuacións.
A institución provincial leva a Madrid estas xornadas no marco do seu obxectivo de concienciar e difundir, dun xeito rigoroso e atractivo, os recursos e valores naturais da provincia de Lugo entre a cidadanía en xeral, pero en especial entre os profesionais vinculados co medio ambiente, pois considera que esta é unha das fórmulas para garantir a xestión sostible e posta en valor do patrimonio natural, ademais do seu impulso económico. Outras mostras deste empeño da institución son, por exemplo, a exposición sobre as corenta Reservas da Biosfera españolas que segue aberta –ata o 28 de febreiro- na Capela de Santa María; as xornadas para técnicos municipais sobre o Complexo Húmido Terra Chá que se celebrou a pasada semana; ou os obradoiros dirixidos a escolares sobre o ecosistema fluvial, dos que se celebrou unha sesión o 18 de febreiro e haberá unha nova precisamente este sábado, día 25.
O encontro organizado na Universidade Politécnica de Madrid, que terá lugar na Sala Verde da Escola Técnica Superior de Enxeñeiros de Camiños, Canais e Portos, inclúe tres conferencias e dúas mesas redondas nas que explicarán as características e valores das tres Reservas da Biosfera da provincia –Terras do Miño, Os Ancares Lucenses e Río Eo, Oscos e Terras de Burón-, así como os proxectos emprendidos pola Deputación para impulsar estes territorios, dende o punto de vista medioambiental e económico. As liñas de actuación que se expoñerán, desenvolvidas fundamentalmente a través do programa Lug02, financiado nun 70% pola UE, son as seguintes: creación das marcas de calidade LugoSabe, para produtos agroalimentarios, e Lug02, para aloxamentos e hostalería; implantación do certificado medioambiental ISO 14001 nas praias mariñanas; conservación e mellora das condicións de produción de soutos de castaños a través dun convenio coa empresa Alibos Galicia; Programa de Saúde e Benestar no Camiño de Santiago, pensado para potenciar a actividade dos balnearios e o territorio no que están enclavados; e programa medioambiental Km0.
En canto ás accións futuras, nas xornadas presentarase a segunda fase do programa Lug02, que conta cun orzamento de 6,5 millóns de euros, achegado ó 70% pola UE; un plan de actuación dotado con 1 millón de euros para impulsar as Reservas Terras do Miño e Os Ancares, financiado ó 70% polo Ministerio de Medio Ambiente; e un avance do Plan de Acción que a Deputación está elaborando e no que se determinarán as liñas estratéxicas de actuación en Terras do Miño e Os Ancares na próxima década.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
